Spitalet e Qendrës Klinike Universitare të Kosovës (QKUK), vazhdojnë të kenë problem me sigurimin e medikamenteve për pacientët.
Në muajin qershor Albanian Post, kishte përgatitur një artikull ku sqarohej se Shërbimi Spitalor Klinik Univesitar i Kosovës (SHSKUK), duhet të furnizoj spitalet.
Të paktën kështu thuhej në përgjigjen e ministrisë së Shëndetësisë.
“Për informacionin tuaj, MSH-ja furnizon QKMF-të dhe programet speciale si vaksinimi, skleroza multiple etj, kurse SHSKUK-ja furnizon QKUK-në dhe spitalet e përgjithshme”, thuhej në përgjigjen e MSH-së.
Mirëpo, këtë problem e ka rritur edhe më shumë moszgjidhja e lëndëve nga Organi i Shqyrtimit të Prokurimit.
Shërbimi Spitalor Klinik Universitar i Kosovës (SHSKUK), në një përgjigje për Albanian Post, kishte sqaruar se mungesa e disa artikujve vjen edhe për këtë arsye.
“Shumica e barnave të listës esenciale janë të kontraktuara. Furnizimi në përgjithësi është i qëndrueshëm. Mungesa mund të ketë për disa artikuj nga lista esenciale të cilët janë duke u trajtuar në OSHP dhe këto lëndë nuk janë të zgjidhura që një kohë të gjatë”.
Sigurimi i medikamenteve ndaj pacientëve, “obligim ligjor”
Besim Kodra nga Shoqata e Pacientëve të Kosovës kishte thënë për Albanian Post se sigurimi i medikamenteve ndaj pacientëve është obligim ligjor.
“MSH në vitin 2019 ka miratuar listën e barnave esenciale dhe materialit shpenzues që mbulohet nga shteti, të gjitha ato barna dhe materiale që gjenden në atë listë duhet shteti t’i blej”.
“Nëse ndonjë bar është jashtë asaj liste, atëherë nënkuptohet se pacienti duhet ta blej vetë”.
Sipas tij, ky problem qëndron dikund tjetër.
“Problemi qëndron në praktikë, që institucionet nuk ofrojnë shërbimet e parapara e as nuk kanë barna esenciale”.
Ndryshe, që nga paslufta në Kosovë, asnjëherë spitalet publike në Kosovë nuk kanë arritur ta përmbushin listën esenciale të barnave 100 për qind. Si rrjedhojë, vazhdimisht ka pasur mungesë të tyre dhe pacientët detyrimisht janë obliguar që gjatë trajtimit t’i blejnë vetë ato.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke