Manchester City ka arritur fitoren më të thellë të sezonit në fitoren 7-0 përballë Leeds United.
Qytetarët ishin të pamëshirshëm në duelin përballë skuadrës së Bielsa-s.
Festën e golave ata e nisën qysh në minutën e tetë.
I pari në listën e golashënuesve u shtua Phil Foden, për të shënuar golin 500 nën drejtimin e Pep Guardiola-s në Premier League.
Vetëm pas pesë minutash, në skenë u ngjit Jack Grealish, i cili shënoi golin e dytë të ndeshjes.
City u kujdes që rrjeta të tundej edhe një herë në pjesën e parë.
Këtë herë, ai që topin e qoi në pamundësi që Meslier ta arrijë, ishte belgu Kevin de Bruyne.
Me tri gola u mbyll pjesa e parë, të gjitha në favorin e Manchester City-t.
Manchester City nuk u ndal as në pjesën e dytë.
Riyad Mahrez ishte ai që shënoi në minutën e 49-të, për 4-0.
Një minut pasi u anulua goli i Foden për pozitë jashtë loje, De Bruyne shënoi për 5-0, duke gjetur goljn e dytë personal.
Në fund, ishte radha për mbrojtësit që të gjenin rrugën e rrjetës.
Në minutën e 74-të këtë e bëri John Stones, kurse katër minuta më vonë Nathan Ake.
Deri në fund nuk ndryshoi asgjë me City-n që arriti fitore me rezultat 7-0.
Qytetarët mbesin në krye pas 17 javësh, me 41 pikë. Leeds mbetet në vendin e 16-të, me 16 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Euro pranë rënies nën 100 lekë, çfarë pritet?
-
Arsimi është tkurrur, bie me 3.7% numri i nxënësve dhe studentëve në vitin e fundit akademik
-
Plani arab në katër etapa, për të ndaluar luftën në Gaza
-
Narrativa armiqësore, etiketime, fyerje, tendenca për kontroll – Mediat në Kosovë nën trysninë e pushtetit