E hëna në Serie A, mund të sjellë ndryshimin e madh në krye të tabelës.
Pas gabimeve të Milan, që barazoi në fushën e Salernitana-s, dhe të Intër, që u mposht në shtëpi nga Sassuolo, mundësinë që të rrëmbejë kreun e tabelës të paktën deri në fund të javës, e ka skuadra e Napoli-t.
Në letër mund të thuhet që Napoli ka punë të lehtë, por duke marrë parasysh mënyrën se si kanë shkuar ndeshjet e kaluara, asgjë nuk mund të thuhet.
Napoli sonte do të jetë mysafire e Cagliari-t, në “Sardegna Arena”.
Cagliari, edhe psë në vendin e 18-të, po kalon formë pozitive. Skuadra nga Sardegna është shkëputur nga vendi i fundit, duke fituar dy, barazuar dy dhe humbur vetëm një nga pesë takimet e fundit.
Napoli në anën tjetër po kalon një formë tejet pozitive, ata kanë katër fitore në pesë ndeshjet e fundit, me vetëm një barazim që erdhi përballë Inter-it.
Skuadra e drejtuar nga Luciano Spalletti, aktualisht ndodhet në vendin e tretë me 53 pikë, një më pak se Inter e tri më pak se Milan.
Një fitore eventuale sonte, do t’i ngjiste ata në krye të tabelës, me pikë të barabarta me Milan-in.
Kurse, për Cagliari-n, edhe barazimi do të ishte i mjaftueshëm që të paktën për një javë, të iknin nga zona e ftohtë, duke u barazuar me nga 22 pikë me skuadrën e Venezia-s.
Ndeshja fillon në orën 19:00, kurse java e 26-të në Itali mbyllet me duelin mes Bologna-s dhe Spezia-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel