Sallata ruse është një ushqim shumë i thjeshtë, madje edhe fillestarët në kuzhinë mund ta zotërojnë lehtësisht atë.
Receta origjinale për sallatën me patate të Olivierit u krijua nga kuzhinieri i famshëm rus Lucien Olivier në vitet 1860. Ai ishte kryekuzhinieri i famshëm në Hermitage, një nga restorantet më të famshëm në historinë e Moskës.
Përbërësit:
150 gram patate
150 gram bizele
150 gram karota
150 gram tranguj (turshi)
150 gram proshutë sipas dëshirës tuaj
300 gram majonezë
2 vezë të ziera fort
1 lugë mustardë
2 luge gjelle lëng limoni
një majë kripë
pak piper
Përgatitja:
Besohet se çelësi i një sallate të mirë ruse është te majoneza dhe patatet. Patatet do të jenë shumë më të këndshme nëse i gatuani në lëkurë dhe vetëm më pas i qëroni dhe i prisni. Gatuani veçmas patatet, karotat dhe bizelet dhe secilit përbërës i shtoni pak kripë. Gatuani patatet pa qëruar derisa t’i shponi lehtësisht me një pirun. Ziejini bizelet dhe karotat për rreth dhjetë minuta, duke pasur kujdes që të mos i zieni shumë.
Kur perimet të jenë zier, i hidhni ujë të ftohtë dhe i lini të kullojnë. Mundohuni t’i kulloni sa më mirë të gjitha perimet, për t’i bërë më të forta dhe më të lehta për t’u dhënë formë.
Procesi i përgatitjes është i thjeshtë – pritini të gjithë përbërësit në kubikë të vegjël dhe përziejini me majonezë dhe erëza.
Shefat e kuzhinës me eksperiencë sugjerojnë që perimet t’i gatuani disa orë përpara në mënyrë që të ftohen në temperaturën e dhomës dhe t’i kulloni sa më mirë. Dhe trangujt grijini pak më herët dhe kullojini mirë që sallata juaj të mos rrallohet.
Sallatën ruse mund ta ruani në frigorifer deri në dy ditë. Nëse dëshironi ta përdorni për disa ditë, ruajini përbërësit e grirë në një enë të mbyllur mirë në frigorifer dhe shtoni majonezë pak para se ta shërbeni.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Konstituohet grupi i dialogut mes mazhorancës e opozitës – Basha jashtë
-
Beqaj refuzon pagesën, “ngujohet” në SPAK që të lexojë aktet e dosjes
-
Kërcënimi rus që shqetëson NATO-n: Ku mund të ndizet baruti i përshkallëzimit?
-
“Nuk është në rregull për besë” – Konjufca “nervozohet” me deputetët zhurmëtarë të LVV-së