Napoli ka arritur fitoren e shtatë në shtatë ndeshje, kurse Roma ka mposhtur me lehtësi Empoli-n.
Napoli e ka rikthyer rezultatin nga 1-0 në 1-2 përballë Fiorentina-s, deri sa Roma fitoi 2-0.
Martinez Quarta i dha epërsinë Fiorentina-s në minutën e 28-të.
11 minuta më vonë, Insigne humbi penalltinë, por topin e rikthyer e shndërroi në gol Hirving Lozano.
Një hero i papritur në këtë ndeshje doli të jetë mbrojtësi i kombëtares së Kosovës, Amir Rrahmani.
Në minutën e 50-të, Rrahmani shfrytëzoi një asistim të Zielinksi-t për të shënuar golin që i solli Napoli-t fitore.
Nga shtatë ndeshjet e para, ata gëzojnë rekord 100%, me po aq fitore, duke udhëhequr të vetëm Serie A-në.
Roma në anën tjetër u mjaftua me nga një gol në secilën pjesë përballë Empoli-t.
Lorenzo Pellegrini shënoi golin e parë, në minutat e fundit të pjesës së parë.
Kurse, sapo filloi e dyta, Mkhitaryan shënoi për 2-0.
Deri në fund, skuadra e Mourinho-s menaxhoi mirë rezultatin, për një fitore shumë të rëndësishme.
Roma ngjitet në vendin e katër me 15 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
