Roberto Martinez afër rikthimit te Everton?

Roberto Martinez është një ndër emrat e përmendur për t’u ulur në stolin e Everton-it.

Trajneri i Belgjikës është kërkuar nga Everton pas shkarkimit të Rafael Benitez, si një ndër opsionet për të drejtuar klubin nga Liverpool.

Martinez kishte qenë më parë trajner i Everton-it, në vitet 2013 deri në 2016.

Pas asaj, Martinez morri përsipër Belgjikën, duke arritur në disa prej rezultateve më të mira në kompeticionet madhore, përfshirë vendin e tretë në Kupën e Botës 2018.

Përveç saj, Belgjika ishte edhe gjysmëfinaliste e Nations League në vitin 2021.

Sipas raportimeve të the Athletic, Martinez ka marrë telefonatën nga Everton-i që të rikthehet në krye të klubit.

Ata i kanë premtuar atij transferime të shumta, me idenë që “ta kthejnë klubin në nivelin e dikurshëm”.

Sipas the Athletic, Martinez është i tunduar nga oferta dhe aktualisht është në bisedime me Federatën e Belgjikës që të shikoj mundësitë.

Poashtu thuhet që Martinez e dëshiron në stafin e tij edhe Thiery Henry, si ndihmës trajner.

Everton pritet të zbulojë përgjigjen së shpejti, me trajner tjerë që presin në radhë për të drejtuar një klub në elitën e futbollit anglez.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.