Si çdo ligë tjetër elitare, edhe La Liga vazhdon garat e fundsezonit pas dy javëve me kombëtaret.
Java e 29-të në kampionatin spanjoll filloi të premten, me Huesca-n, që siguroi një fitore shumë të rëndësishme në luftën e ashpër për mbijetesë.
Huesca arriti të mposhtte Levante-n, me rezultat të pastër 2-0, brenda në “Ciutat de Valencia”.
Sot zhvillohen edhe tri ndeshje të tjera, në ditën e finales së Kupës së Mbretit.
Ditën e hap Granada, me ndeshjen përballë Villarreal-it në orën 14:00.
Mysafirët luftojnë për një pozitë në Europa League, kurse Granada ka siguruar mbijetesën me pamundësi që të kualifikohet në Evropë përsëri.
Në orën 16:15, vjen ndeshja kryesore e ditës me protagonistë mbretërorët e Madrid-it.
Pa Ramos-in, që u lëndua, dhe Hazard-in që pritet të kthehet shpejt, madrilenët presin Eibar-in në “Alredo Di Stefano”.
Madrilenët po kalojnë një formë të jashtëzakonshme. Në dhjetë ndeshjet e fundit, ata kanë fituar tetë dhe kanë barazuar dy herë.
Eibar, në anën tjetër, po kalon një formë katastrofale, ku kanë dështuar të fitojnë secilën nga 13 ndeshjet e tyre të fundit.
Mysafirët janë në vendin e parafundit dhe po rrezikojnë seriozisht mbijetesën.
Real Madrid-i synon të afrohet me kreun, me qëllim titullin e dytë radhazi në La Liga.
Dita mbyllet me duelin e mesit të tabelës, me Osasuna-n që pret Getafe-n në orën 18:30.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Osmani pas fitores: Vetëm fillimi i një kapitulli të ri për një të ardhme të ndritur
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
O’Brien i kërkoi “përparim urgjent” për Asociacionin, Kurti s’e përmend askund