![](https://albanianpost.com/wp-content/uploads/2023/01/Prokurori-i-Shtetit-1-scaled-1.jpeg)
Nga Prokurori i Shtetit është kërkuar caktimi i masës së paraburgimit ndaj të dyshuarit i cili është kapur të dielën nga Policia e Kosovës me 107 kilogramë marihuanë.
Lajmin për Albanian Post e ka konfirmuar zëdhënësja e Prokurorisë Themelore në Prishtinë, Laureta Ulaj.
“Prokurori i Shtetit ka paraqitur kërkesë për caktimin e masës së paraburgimit ndaj të pandehurit i cili ka qenë nën masën e ndalimit prej 48 orësh, për rastin e 107 kg marihuanë”, deklaroi Ulaj për AP.
Policia e Kosovës, ka bërë të ditur se të dielën janë sekuestruar 107 kilogramë substancë narkotike të llojit marihuane.
Lajmi është kumtuar përmes një komunikate nga media, tw hwnwn.
“Policia e Kosovës, konkretisht Drejtoria për Hetimin e Trafikimit me Narkotikë, më datë 29.01.2023, në orën 22:40, në bashkëpunim me Doganën e Kosovës, në terminal doganor, ka ndaluar një kamion ‘Iveco’ me targa të huaja të cilin e drejtonte i dyshuari M.P., (1991), shtetas i Serbisë nën dyshimin për substancë narkotike”, thuhet në komunikatë.
Nga ky institucion është sqaruar se ky aksion është kryer në bashkëpunim me oficerët e Doganës së Kosovës.
“Në bashkëpunim me oficerët e Doganës së Kosovës, gjatë kontrollimit në dy rezervuarët e derivateve janë gjetur bunkerë të modifikuar, ku në brendi kishte 101 paketime të plastikës me të substancë narkotike të dyshuar të llojit marihuanë”.
Kurse, nga njësia e Forenzikës është bërë sekuestrimi dhe tërheqja e dëshmive, ku pesha e përgjithshme e narkotikëve të sekuestruar ka qenë rreth 107 kilogramë.
“Po ashtu në cilësi të provave janë sekuestruar edhe një telefon celular, një GPS, disk diagrami i tahografit, një kamion, 95 euro si dhe 2.500 dinarë”.
Kurse, gjatë diskutimeve me prokurorin kujdestar i dyshuari është ndaluar për 48 orë.
Ndërsa, rasti është procedurar për veprime të mëtutjeshme, përderisa është thënë se janë duke vazhduar veprimet hetimore nga drejtoria përkatëse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com