![](https://albanianpost.com/wp-content/uploads/2023/04/WhatsApp-Image-2022-11-03-at-12.49.00-1081x720-1.jpeg)
Kosova, Shqipëria, Serbia dhe Maqedonia e Veriut janë të vetmit shtete në Ballkanin Perëndimor të cilët kanë ratifikuar tri marrëveshjet e Procesit të Berlinit, që kanë të bëjnë me lëvizjen vetëm me letërnjoftim, njohjen e kualifikimeve të arsimit të lartë dhe njohjen e kualifikimeve profesionale të mjekëve, stomatologëve dhe arkitektëve.
Ndërsa Mali i Zi dhe Bosnja e Hercegovina momentalisht janë dy shtetet penguese që këto tri marrëveshje, që do të lehtësonin udhëtimin, studimin dhe punën për qytetarët të cilat u nënshkruan me 3 nëntor të vitit të kaluar të hyjnë në fuqi.
Ndonëse kanë kaluar 5 muaj që nga nënshkrimi i marrëveshjeve në fjalë, të cilat u cilësuan si historike, Mali i Zi ka arritur t’i aprovoj marrëveshjet, por projektligjet janë ende në procedurë parlamentare.
Gjithë në këtë mes situatën më të keqe me marrëveshjet e dala nga Procesi i Berlinit e ka Bosnja e Hercegovina.
Ujditë në fjalë në Bosnje aktualisht janë në fazën e konsultimit ndërministror.
Këshilli i Ministrave në Sarajevë e ka shtyrë votimin e marrëveshjeve për shkak të mungesës së një konsensusi të brendshëm, përkatësisht refuzimit të Republikës Srpska për shkak të Kosovës.
Bosnjë e Hercegovina nuk e njeh pavarësinë e Kosovës dhe qytetarët e të dyja shteteve duhet të pajisen me vizë nëse duan të udhëtojnë në shtetet përkatëse.
Më 2014, Kosova vendosi masën reciproke sa i përket regjimit të vizave për shtetasit e Bosnjë e Hercegovinës.
Megjithatë marrëveshja për lëvizjen e lirë e nënshkruar në kuadër të Procesit të Berlinit, do të mundësonte lëvizjen pa viza të qytetarëve nga Kosova dhe Bosnja e Hercegovina.
Ndonëse Qeveria e Kosovës i miratojë marrëveshjet e nënshkruara në Berlin destruktive gjithë në këtë mes po tregohet Sarajeva zyrtare.
Milorad Dodik, president i entitetit Republika Srpska, vuri në pikëpyetje të gjithë procesin.
Ai tha se ministrat e këtij entiteti të Bosnjë e Hercegovinës nuk do ta votojnë ligjin/marrëveshjen në Këshillin e Ministrave të BeH-së.
“Po, ne thamë se do ta respektojmë dhe mbështesim lirinë e lëvizjes, por në asnjë mënyrë kjo nuk do të thotë se do t’i tolerojmë fyerjet që vazhdimisht i drejtohen Republikës Srpska nga autoritetet e përkohshme në Prishtinë”, kishte shkruar Dodik në llogarinë e tij në Twitter, pa specifikuar se çfarë ofendime po bën Kosova ndaj Republikës Srpska.
Që të fillojë zbatimi i marrëveshjeve të nënshkruara, është e nevojshme që dokumentet të ratifikohen nga parlamentet e vendeve përkatëse brenda 18 muajve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Sekretarin e ri të Këshillit të Evropës: Anëtarësimi i Kosovës, synim që do ta ndjekim pa pushim
-
Lajçaku shpreson që Kurti dhe Vuçiçi të shfaqin vizion dhe guxim në Bruksel
-
Kurti, rekordmeni i takimeve me Vuçiç-in
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj
Lajmet kryesore
-
Kurti, rekordmeni i takimeve me Vuçiç-in
-
3.3 milionë turistë hynë në Shqipëri deri në maj, rritje me 38% nga viti i shkuar
-
Zemërimi i Melonit për përjashtimin mund të rezultojë në abstenim në Këshillin Evropian
-
Konstituimi i Komisionit të Dezinformimit – Opozita jo uniformë, Doda dhe Mediu të pranishëm