Portugalia ka arritur fitoren përballë Azerbaixhanit në stadiumin olimpik të Baku-s.
Skuadra e Fernando Santos nuk e kishte aspak problem mungesën e Cristiano Ronaldo-s, që ishte i suspenduar për shkak kartonash.
Përballë modestëve të De Biasi-t, për luzitanët ishte i mjaftueshëm marshi i parë.
Ata shënuan dy herë në pjesën e parë.
Fillimisht, llogarinë e golave e hapi mesfushori i Manchester City-t, Bernardo Silva.
Pak më vonë, një tjetër Silva gjeti rrugën e rrjetës, këtë radhë sulmuesi i Leipzig, Andre.
Andre shfrytëzoi mirë pasimin e Diogo Jota-s, duke shtyrë topin në fundin e rrjetës.
Edhe pjesa e dytë ishte pothuajse e njëjta histori.
Azerbaixhani e kishte pothuajse të pamundur të krijonte mundësi, me portugezët që kishin posedimin gjatë gjithë kohës.
Goli i tretë erdhi nga koka e Diogo Jota-s.
Sulmuesi i Liverpool-it shfrytëzoi mirë krosimin e Joao Cancelo-s, duke shënuar për 0-3.
Portugalia ngjitet përkohësisht në vendin e parë në Grupin A, në pritje të rezultatit nga ndeshja Irlandë – Serbi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Netanyahu thotë se vendi i tij është i përgatitur të ‘qëndrojë i vetëm’
-
Kosova nën sanksionet e BE-së shënon Ditën e Evropës pa progres drejt integrimeve
