Do të përcaktohet sot finalja e Kupës së Botës për Klube, në gjysmëfinalen e dytë që zhvillohet mes Al-Hilal dhe Chelsea.
Gjatë së martës, Palmeiras u bë skuadra e parë e cila arriti kualifikimin në finalen e Kupës së Botës për Klube.
Skuadra braziliane e mposhti me rezultat të pastër 2-0 skuadrën e Al-Ahly.
Edicioni i vitit 2021, që po mbahet në vitin 2022, është duke u zhvilluar në Abu Dhabi.
Sonte do të mësohet emri i dytë finalist, me kampionët e Evropës, Chelsea, që janë favoritë të mëdhenj të këtij takimi.
Blutë vijnë këtu për herë të dytë në historinë e klubit të tyre, dhe nga hera e parë nuk kanë fare kujtime të mira.
Në vitin 2012, blutë erdhën në finale, por aty u ndalën nga Corinthians.
Këtë herë, skuadra e drejtuar nga Thomas Tuchel kërkon që të lë prapa dështim e dhjetë viteve më parë.
Pengesa e parë në rrugën e tyre, është skuadra nga Arabia Saudite, Al-Hilal.
Ndeshja fillon në orën 17:30, me takimin që mund t’iu drejtohet kohës shtesë, madje edhe penalltive, nëse pas 120 minutave nuk ka fitues.
Më herët, luhet edhe ndeshja për vendin e pestë, mes Monterrey dhe Al Jazira.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE