Derbi i Italisë u luajt mes Inter-it dhe Juventus-it, por fituese e saj ishte Milan-i.
Në një ndeshje ku u shënuan vetëm dy gola, asnjëra skuadër nuk arriti tre pikët.
Ndeshja filloi më mirë për zikaltërit, që dominuan nga sekonda e parë, duke krijuar disa mundësi të mira për shënim.
Mundi i tyre u shpërblye nga Edin Dzeko.
Vetëm pas 17 minutave lojë, boshnjaku shënoi për të siguruar avantazhin e Inter-it.
Skuadra e Inzaghi-t e mbajti epërsinë deri në fund.
Kur u duk se Inter-i po i drejtohej një fitoreje të madhe në derbi, gjyqtari akordoi penallti për Juve-n.
Atë në gol e shndërroi Paulo Dybala, që shënoi për 1-1.
Inzaghi u ndëshkua me të kuq për shkak të protestave, por rezultati nuk ndryshoi.
Inter mbetet në vendin e tretë, shtatë pikë pas kryesuesve Milan dhe Napoli, kurse Juve ngjitet e gjashta me 15 pikë.
Serie A kthehet menjëherë në mesjavë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hapet – në detaje – drejt anëtarësimit të Kosovës në Këshillin e Evropës
-
700 fashikuj për koncesionin e sterilizimit, Beqaj ‘ngujohet’ 7 orë në SPAK: Lexova 15, dua të pyetem sërish
-
Përgjigja e Aleancës në frontin Lindor, njësi ultra-reaktive dhe 60 mijë burra të tjerë
-
PDK-ja voton kryesinë e re, Bedri Hamza emërohet nënkryetar