![](https://albanianpost.com/wp-content/uploads/2022/01/Peja-Prishtina.jpg)
Në një nga ndeshjet më interesante të këtij sezoni të Superligës së Kosovës në basketboll, përfundoi me fitoren e verdhezinjëve të Pejës.
Ndeshja ishte shumë interesante, posaçërisht në pjesën e dytë.
Ashtu siç ndodhi edhe kundër Bashkimit për Pejën, ndodhi edhe sonte.
Pejanët edhe sonte krijuan një epërsi masive në pjesën e parë, duke e mbyllur praktikisht ndeshjen.
Skuadra nga qyteti më perëndimor në Kosovë, e mbylli fraksionin hapës të ndeshjes me 26 pikë.
Mirëpo, Prishtina u kthye në pjesën e dytë duke e bërë ndeshjen tejet interesante.
Kryeqytetasit në disa momente në çerekun e katërt arritën të afrohen deri në pesë pikë, por asgjë më shumë se aq.
Në fund, takimi u mbyll me rezultatin 93-101 në favor të pejanëve.
Të jashtëzakonshëm për Pejën në këtë takim ishin treshja Berisha, White, Maxwell, që shënuan 91 nga 101 pikët e skuadrës së Shemsedin Bach.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com