![](https://albanianpost.com/wp-content/uploads/2021/11/vjosa-osmani-5465464.jpg)
Presidentja e Kosovës, Vjosa Osmani, ka uruar qytetarët e besimit ortodoks për festën e Krishtlindjes.
Ajo në këtë urim është shprehur për ndjenjën që sjell periudha e festave.
“Të dashur qytetarë të komunitetit ortodoks, festat ngjallin shpresën për një të ardhme më të mirë”, thuhet në komunikatën e presidencës.
![](https://albanianpost.com/wp-content/uploads/2022/01/8orthodox0108-780x439-1.jpg)
Ndërsa, theksoi edhe përballjen me pandeminë që sipas saj duhet të jetë “rilindje për njerëzimin”.
“Sikurse krejt bota, edhe ne po përballemi me pandeminë, ndaj na duhet solidariteti, duke e konsideruar ngadhënjimin ndaj pandemisë njëlloj rilindje për njerëzimin”.
Më tej, në komunikatë thuhet se “kjo festë sjelltë në shtëpitë tuaja gëzim”.
“Drita, dashuria dhe shpresa e pakufishme bashkoftë njerëzit në çdo shtëpi në pritje të ditëve më të mira. Gëzuar për shumë mot Krishtlindjen ortodokse”, u shpreh Osmani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com