Presidentja e Kosovës, Vjosa Osmani, është takuar me ambasadorin amerikan në Kosovë, Jeffrey Hovenier.
Sipas komunikatës për shtyp, Osmani e Hovenier në takim kanë biseduar për sigurinë në Kosovë.
Gjithashtu, për situatën në “fushën e politikës së jashtme dhe të mbrojtjes”.
“Gjatë takimit u diskutua për vazhdimin e koordinimit mes institucioneve të Kosovës dhe Shteteve të Bashkuara të Amerikës në adresimin e çështjeve prioritare”, thuhet në njoftimin e presidencës.
Ky takim vjen pas tensioneve të fundit në Veri, përcjellur edhe me deklarata që pjesë të ligjërimit kanë përshkallëzimin potencial të situatës dhe mundësinë e konfliktit të armatosur mes Kosovë e Serbisë.
Konflikt që kryeministri i Kosovës, Albin Kurti, e ka theksuar në disa nga intervistat e fundit të tij, përfshirë edhe atë për agjencinë ndërkombëtare të lajmeve Reuters.
Për konflikt ka folur këtë të enjte edhe presidenti i Serbisë, Aleksandër Vuçiç, në një konferencë për media.
Vuçiç gjatë fjalimit tha se ai është i vetëdijshëm “për planet e Prishtinës” për, siç pretendon ai, “vrasjen e serbëve në Veri”.
“Unë po i kërkoj që të mos planifikojnë arrestimin dhe vrasjen e askujt, vetëm pse i shqetëson kushdo që është i lirë, sipas tyre kushdo që është serb është kriminel”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gazetarja serbe: Vuçiç s’e thotë të vërtetën – Kosova është shtet i pavarur
-
Kurti për doganierin e EULEX-it të vrarë në Veri: U qëllua me gjakftohtësi
-
“Përndjekje ndaj simbolit tonë kombëtar”, Mustafi dënohet nga Serbia për ngritjen e flamurit shqiptar
-
Ish-diplomati serb: Kosova histori e mbyllur, Vuçiçi po e dorëzon
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi