Presidentja e Kosovës, Vjosa Osmani, në një intervistë për gazetën gjermane, Tagesspiegel, nuk e ka përjashtuar mundësinë që me zgjedhjen eventuale të Donald Trump si president i 47 i Shteteve të Bashkuara të Amerikës “mund të lindin disa sfida” për Kosovën.
Në pyetjen se a jeni i shqetësuar se Trump mund të fitojë një mandat të dytë si president i SHBA-ve, Osmani ka potencuar fillimisht se “Kosova është me fat që ka mbështetjen” e dy partive si atë të Demokratëve si atë të Republikanëve.
“Nën Presidentin Bill Clinton, një demokrat, ne u bëmë të lirë, në kohën e George W. Bush, një republikan, ne u bëmë të pavarur”, ka thënë ajo.
Megjithatë ajo ka shprehur edhe drojën e saj në rast se Trump vije sërish në Zyrën Ovale.
“Nuk dua të përjashtoj mundësinë që mund të lindin disa sfida. Por, është gjithashtu detyra ime si presidente të bind qeverinë amerikane se Kosova dhe Ballkani Perëndimor luajnë një rol të rëndësishëm për sigurinë në Evropë”, ka shtuar ajo.
Edhe kryeministri i Kosovës, Albin Kurti, në një intervistë për platformën “Semafor” javën më parë, kishte thënë se zgjedhja eventuale e Trump sërish në Shtëpinë e Bardhë mund të shkaktojë “stres dhe ankth” liderëve evropianë, kryesisht për shkak të prirjes së ish-presidentit drejt qëndrimeve ekstreme.
Historiku i preferencave politike të Albin Kurtit në Amerikë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Haxhiu garanton: Asnjë ministër s’krijoi pasuri duke e mbajtur këtë pozitë, qytetarët e dinë
-
Haxhiu njëherë thotë se ura s’është për dialog, pastaj pranon se Bislimi diskutoi në Bruksel për urën
-
Autogoli i Agim Ademit në minutën e 90-të
-
NATO edhe pas takimit me Bislimin konfirmon se do ta vazhdojë prezencën në urën mbi Ibër
