![](https://albanianpost.com/wp-content/uploads/2021/11/46a4967166e54d82b5beea361e9825e393cf26f5.jpeg)
Gjatë pjesës së parë përballë Atalanta-s para dy javëve, kur Manchester United ishte në disavantazh 2-0, thuhet se Cristiano Ronaldo ndërhyri në fjalën e trajnerit Ole Gunnar Solskjaer.
Duket se fjalët e portugezit ishin vitale, pasi United e ktheu rezultatin në atë ndeshje, duke fituar 3-2, pikërisht me Ronaldo-n që shënoi golin e fitores.
Pas atij takimi, bashkëlojtarët i kërkuan Cristiano-s që të jetë një lider vokal në vazhdim, por duket se CR7-a e refuzoi kërkesën e tyre.
Ronaldo mendon se si kapiten, ky rol i takon mbrojtësit Harry Maguire, për të cilin është shumë i lumtur që ka rolin ‘drejtues’ në skuadër.
Duket se zgjidhja e Solskjaer për këtë problem, është skocezi McTominay.
Gjatë ndeshjes së fundit përballë Atalanta-s, një video tregon se si Scott McTominay motivon skuadrën gjatë daljes në fushë për pjesën e dytë.
![](https://albanianpost.com/wp-content/uploads/2021/11/0_McTominay.png)
Skocezi në Bergamo tregoi se ka potencialin që të jetë udhëheqësi i dhomave të zhveshjes.
“Shkojmë! Shkojmë!” u dëgjua McTominay duke iu drejtuar lojtarëve të tjerë derisa po zbrisnin në fushë për pjesën e dytë, me rezultatin që ishte 1-1.
McTominay është kthyer si emër i palëkundur për Solskjaer që nga rikthimi prej lëndimit, dhe trajneri norvegjez shpreson që paraqitjen e mirë jashtë fushës së blertë, ta bartë edhe brenda në tapet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”