Ende pa luajtur ndeshjen e tyre përballë Bournemouth, Norwich ka siguruar pjesëmarrjen në Premier League për sezonin e ardhshëm.
Skuadra e Farke-s, një vit pas rënies, ngjitet përsëri në ligën elitare angleze.
Kjo falë humbjes së Watford-it të vendit të dytë dhe barazimit të Swansea-s së vendit të tretë.
Kanarinat kanë zhvilluar një sezon të jashtëzakonshëm deri më tani.
Pesë ndeshje para fundit, ata kanë 90 pikë, me mundësi reale që të kapin shifrën e 100 pikëve.
Pas Norwich-it, favorit kryesor për ngjitjen në ligë është Watford-i, që po ashtu ra nga kategoria vetëm sezonin e kaluar.
Swansea, Brentford, Bournemouth dhe Barnsley janë skuadrat që me shumë mundësi do të luftojnë për vendin e fundit që të dërgon në Premier League.
Përveç tyre, në garë ende mbetet Reading.
Sheffield, West Brom dhe Fulham janë skuadrat që duken se do t’i bashkohen Championship-it, pasi janë shumë largë zonës së mbijetesës në Premier League.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Izraeli sulmon Iranin: Drone mbi bazën ajrore ushtarake në Isfahan
-
5 mijë vizitorë në 3 muaj, Rama: Shqipëria, destinacioni më i sugjeruar
-
Sulmi në Iran, baza dhe prodhimi i raketave: Pse Isfahani është një objektiv
-
Dinari shtyhet në skaje pas “pengmarrjes” së kosovarëve nga “shteti mafioz” i Serbisë
