Nga karroca në majën më të lartë të podiumit, historia motivuese e Pfeiffer Georgi

Pasi Pfeiffer Georgi e fitoi garën rrugore në çiklizëm, ajo mbylli një vit të jashtëzakonshëm. 12 muaj më parë, 21-vjeçarja po mësohej të ecte për së dyti, pas qëndrimit në karrocë për disa muaj.

Georgi kishte thyer shtyllën kurrizore në një aksident në Belgjikë, dhe shpenzoi vitin në rikuperim në shtëpinë e saj në Gloucestershire.

“Ishte një aksident i frikshëm”, tha 21-vjeçarja, “doktorët më thanë që jam shumë me fat që jam rikuperuar plotësisht”.

“Bëra shumë ushtrime vetëm për të gjetur forcën në qafën time, dhe që të jem e gatshme t’i ngasë biçikletës përsëri”.

“Mu deshën disa muaj”.

Shërimi fizik mori kohë, por shërimi mendor zgjati edhe më shumë.

Derisa aksidenti është një pjesë mjaft e shpeshtë e çiklizimit, është e lehtë të harrohet që trauma mund të zgjasë shumë më gjatë sesa shërimi i trupit.

“Për mua, më shumë ishte aspekti mendor dhe rifitimi i vetëbesimit. Ai aksident mund të ishte shumë më keq”.

“Tani mendoj, nëse përsëri përplasem, mund të përfundojë shumë keq”, tha Georgi.

“Më shumë punova me një trajner të mendjes, që me vizualizime, këshilla të vogla që më tregonin se aksidenti nuk është gjëja më e keqe që mund të ndodhë”.

Ajo tha se ngadalë u mësua “të ndjehet e sigurt kur gara bëhet pak më e pasigurt”.

Pjesa e dytë e vitit 2021 ishte momenti kur “gjithçka po binte në vend”.

Georgi u rikthye tek garat dhe fitoi për herë të parë në kategorinë pro, në La Choralis Fourmies Feminine në Francë gjatë muajit shtator.

Më pas, ajo arriti fitoren edhe në Lincoln në garat nacionale.

Përveç faktit që mund të vesh ngjyrat e Anglisë në fanellën e saj vitin tjetër, Georgi ka shtuar emrin e saj në listën e ilustruar të fituesve si Liize Deignan, Nicole Cooke, Beryl Burton dhe Laura Kenny.

“Kur fitova isha e shokuar sepse me të vërtetë nuk e prisja”, tha ajo.

“Mendoj që vetëm ideja se do të vesh ngjyrat e Anglisë vitin e ardhshëm dhe fakti që do kem shiritat në mëngë për gjatë gjithë karrierës – është diçka që jo të gjithë arrijnë ta bëjnë”.

“T’i kem të gjitha këto tani, ishte diçka që nuk e prisja por që ndihem shumë mirë”.

2021-ta ishte sezoni i tretë i Georgi-t si çikliste profesionte por ajo tha që dukej sikur të ishte i pari për të.

Ajo ende po përfundonte universitetin kur për herë të parë nënshkruajti me skuadrën gjermane DSM në vitin 2019. Atë vit ajo e kombinoi mes garave në mbarë Evropë dhe studimeve e provimeve.

“Në pjesën e parë të sezonit, po shkoja në pjesë të ndryshme të Evropës të shtunën, po garoja të dielën, dhe po kthehesha në shtëpi e po i drejtohesha shkollës të hënën”, tha ajo.

COVID-19 i vështirësoi gjërat edhe më shumë, me 21-vjeçaren që garoi vetëm 11 ditë në vitin 2020.

Ajo tha se fakti që mundi të garonte pa ndalim nga shkurti në tetor, ishte ndihmë e madhë për vitin e shpërthimit të saj.

“Më duket se kam mësuar shumë. I mbaj mend disa nga garat e mija të para me skuadrën kur nuk dija asgjë – duke u mësuar se si të ngasë mes turmës, gjëra rreth nutricionit – në gara nuk ushqehesha mjaftueshëm dhe pastaj e teproja”.

“Fizikisht, mendoj që kam arritur një nivel të mrekullueshëm në krahasim me ditën time të parë”.

Çiklizmi është pak a shumë në gjenet e Georgi-t. Babai i saj Peter, garoi në nivelin master dhe mamaja e saj, Louise, ishte një çikliste amatore, ashtu si vëllau i saj.

Ajo është lindur në Herne Hill të Londërs. Kur familja e saj u zhvendos në veri, garat në Kështjellën Combe dhe fundjavat në klub u shndërruan në normalitetin e Georgi.

Më pas, 21-vjeçarja ra më syrin e Federatës së Çiklizmit në Britani.

Pfeiffer ishte e mrekullueshme në moshat e reja, duke arritur fitore në mbarë Evropën.

Gara një ditore mbesin specialiteti i Georgi-t. Borë, shi, verë, dimër, nuk kishte dallim, ajo arrinte rezultat në çdo pikë.

Georgi pritet të bëjë debutimin e saj në Tour of Flanders gjatë pranverës tjetër, një garë të cilën “ëndërron që ta fitoj një ditë”.

Në rast të ringjalles së Tour de France për femra, ajo do jetë pjesëmarrëse edhe aty.

Nga karroca në podium, Pfeiffer Georgi është shndërruar në motivimin e të rinjve që kanë filluar ose ëndërrojnë të merren me çiklizëm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.