“Besoj se negociatat me Shqipërinë do të hapen në gjashtë muajt e parë të këtij viti, gjatë presidencës portugeze”.
Këtë e deklaroi Ambasadori i Bashkimit Evropian në Tiranë, Luigi Soreca, gjatë një interviste për Zërin e Amerikës. Tonet kritike të kryeministrit, Edi Rama, ndaj BE-së, ishin gjithashtu pjesë e bisedës. U prek edhe ligji i shumë diskutuar “antishpifje”.
Kushti i fundit i plotësimit të vakancave në Gjykatën Kushtetuese, u plotësua nga Shqipëria në fund të vitit 2020. “Kjo e sjell Shqipërinë më pranë me atë çfarë është kërkuar nga BE-ja”, tha Soreca.
Portugalia ka marrë presidencën e radhës të BE-së. Dyshime janë hedhur se Ballkani Perëndimor, është lënë në hije. Soreca, gjithsesi, theksoi se ka fjalë nga Ministri i Punëve të Jashtme të Portugalisë, Augusto Santos Silva, se “do të ketë angazhim të plotë për nisjen e negociatave me Shqipërinë dhe Maqedoninë e Veriut”.
Përsa i përket kritikave që Rama ka bërë ndaj BE-së, Soreca është shprehur se është “habitur nga deklaratat e kryeministrit shqiptar”. “Solidariteti i BE-së nuk ka qenë kurrë kaq i dukshëm sa në 2020-ën” shtoi ai.
Rikujtesë ka pasur edhe për donacionet që BE-ja ka dhënë për tërmetin e 2019-ës në Shqipëri dhe pandeminë. “Janë miliarda euro investime të BE-së në Shqipëri”.
Paketa antishpifje ka nxitur gjithashtu debate në distancë midis qeverisë shqiptare dhe BE-së. Çështja u çua për opinion në Komisionin e Venecias nga presidenti Ilir Meta. Këshilli Evropian, ka pasur gjithashtu kritika mbi projektligjin.
“Marsin e vitit të shkuar, Këshilli Evropian i kërkoi Shqipërisë të përputhte miratimin e ligjit me rekomandimet e Venecias”, tha Soreca. “Në fund, mbetet vendim i Qeverisë Shqiptare”.
KE-ja miratoi hapjen e negociatave me Shqipërinë në mars të vitit 2020. Tashmë në 2021-shin, pritet fillimi konkret i tyre./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Debate në Këshillin Bashkiak të Himarës, banorët kërkojnë largimin e Tavos dhe Klosit
-
Trafikonin kanabis nga SHBA-të në Shqipëri me postë, 2 në pranga
-
Shënjestrimi i inflacionit dhe kursi i lirë i këmbimit po funksionojnë, thotë Sejko
-
Në hetim nga Gjermania për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut
Lajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Debate në Këshillin Bashkiak të Himarës, banorët kërkojnë largimin e Tavos dhe Klosit
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
Raportohet se BE po përgatit pozitë të re për Lajçak-un