“Ndaloni luftën”, klubet evropiane mbështesin Ukrainën

Ndërhyrja e forcave Ruse në Ukrainë, ka prekur të gjithë, shumë edhe botën e sportit.

Që nga mëngjesi i 24 shkurtit, federata të ndryshme sportive kanë ngritur sanksione kundër Rusisë, e plot klube kanë shkëputur përfundimisht kontratat me të gjithë sponsorët rus.

Mirëpo, përveç sanksioneve – klubet Evropiane të futbollit kanë shfaqur mbështetjen e tyre për Ukrainën nëpërmjet mesazheve që kërkojnë t’i thuhet jo luftës.

Nata e së enjtes, ku luhen dy kompeticionet Evropiane – ka parë shumë mesazhe të tilla.

Një ndër ta ishte edhe Ruslan Malinovsky, i cili pasi shënoi gol përballë Olympiacos, nxori një bluzë me mbishkrimin “Jo luftës në Ukrainë”.

🙏❤️ pic.twitter.com/gs0qa7vldU

— Atalanta B.C. (@Atalanta_BC) February 24, 2022

Zenit St. Petersburg ishte skuadra e vetme ruse që po luante në Evropë dje, dhe ata ishin mysafirë të Real Betis në Spanjë.

Shumë nga tifozët vendas kishin marrë flamura të Ukrainës, duke i shfaqur dhe duke thirrur kundër luftës që tashmë ka nisur.

Ukrainasi i Manchester City-t, Oleksander Zinchenko, nuk ishte në aksion por ai iu bashkua një proteste në qendër të Manchester-it për të treguar mbështetjen për vendin e tij.

Para ndeshjes së Europa League në “Diego Armando Maradona Stadium”, lojtarët e Barcelonës dhe Napoli-t qëndruan të bashkuar me një baner në dorë, me mbishkrimin “Ndaloni luftën”.

Tifozët e skuadrës kroate, Dinamo Zagreb, në ndeshjen e tyre përballë Sevilla-s mbajtën një banderolë të madhe që thoshte “Mbështetje për njerëzit e Ukrainës”.

Tifozët e Bodo/Glimt në Norvegji, para fillimit të ndeshjes, mbajtën në duar nga një flamur të Ukrainës.

Bodo/Glimt fans show their support for Ukraine 🇺🇦#UECL | #BODCEL pic.twitter.com/APpu2PWpFE

— Football Scotland (@Football_Scot) February 24, 2022

Kurse Slavia Praga veshi bluza me mbishkrimin “Ne qëndrojmë me Ukrainën” para fillimit të takimit me Fenerbahçen.

Ata poashtu e emëruan kapiten ukrainasin Taras Kacharaba.

1' | Kick-off! #UECL

🔴⚪️ 0-0 🟡🔵 #slafen pic.twitter.com/t0qoeQUq8l

— SK Slavia Prague EN (@slavia_eng) February 24, 2022

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.