“De-përshkallëzimi dhe kthimi në normalizimin e marrëdhënieve ndërmjet Kosovës dhe Serbisë janë thelbësore”.
Kështu të paktën ka shkruar presidenti i Këshillit Evropian, Charles Michel, në platformën sociale, X, pas takimeve që ai së bashku me presidentin francez, Emmanuel Macron, kancelarin gjerman, Olaf Scholz, kryeministren italiane, Giorgia Meloni e shefin e diplomaciës së BE-së, Josep Borrell, zhvilluan me kryeministrin e Kosovës, Albin Kurti e presidentin e Serbisë, Aleksandër Vuçiç, në Bruksel, këtë të enjte.
“Pres që Këshilli Evropian të diskutojë më tej”, shkroi ai.
With @JosepBorrellF and EU colleagues, met with PM @albinkurti and then with @avucic. De-escalation and return to normalisation of relations between Belgrade and Pristina is essential.
I expect #EUCO to discuss further. pic.twitter.com/6rWXzSqqRp— Charles Michel (@CharlesMichel) October 26, 2023
Për takimin në fjalë u deklarua edhe kryeministrja e Italisë, Giorgia Meloni.
Në një prononcim para gazetarëve në margjinat e samitit të krerëve të 27 shteteve anëtare të Bashkimit Evropian (BE), kryeministrja italiane ka thënë se në takimet e ndara që kanë pasur liderët evropianë me dy udhëheqësit ballkanikë, kanë kërkuar nga të dy palët zbatimin e marrëveshjeve në kuadër të dialogut për normalizimin e marrëdhënieve nën kujdesin e BE-së.
“Në takimin trilateral me Macronin dhe Scholzin ishim të zënë me bisedat rreth një tjetër skenari kritik, atë midis Serbisë dhe Kosovës e jemi duke kërkuar të gjejmë një zgjidhje, mbi bazën e një pune shumë të gjatë që është bërë kryesisht nga Italia, Gjermania, Franca dhe BE-ja”, ka theksuar ajo, para nisjes së punimeve të Këshillit Evropian (KE) në Bruksel.
“Ne kemi kërkuar nga të dy liderët që të bëjnë përparim në marrëveshjet e arritura në vitet dhe muajt e fundit”, ka shtuar ndër të tjera kreu i ekzekutivit italian, kurse kryeministri Kurti dhe presidenti Vuçiç, por as kancelari Scholz e presidenti Macron, nuk janë deklaruar për media pas takimeve.
“20 minuta secili” – Kurti e Vuçiç përfundojnë takimet me Macron, Scholz e Meloni
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ali Ahmeti fiton – përsëri – zgjedhjet, kësaj radhe i dyti me deputetë në nivel republikan
-
Numërohen afër 95% e votave: “Fronti Evropian” ka 18 deputetë, “VLEN” 13
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
-
SHBA kërkon qetësi në Veri të Kosovës