Real Madrid-i pret në “Santiago Bernabeu” Athletic Bilbao-n për ndeshjen e mbetur nga java e nëntë.
Ndeshja ishte shtyrë për shkak të angazhimit që futbollistët nga Amerika e Jugut kishin me kombëtaret e tyre.
Kjo është hera e parë që Real Madrid dhe Athletic Bilbao përballen këtë muaj, me ndeshjen tjetër që do të zhvillohen në “San Mames”, me 22 dhjetor.
Ndeshja është një klasike në Spanjë, me këto dy skuadra që janë vetëm dy nga tre në total që asnjëherë nuk kanë rënë nga kategoria.
Madrilenët në këtë ndeshje vijnë në formë shumë të mirë.
Të parët në tabelë me katër pikë se vendi i dytë, Real Madrid-i kanë fituar katër ndeshjet e fundit në kampionat.
Athletic Bilbao në anën tjetër nuk ka gjetur rrugën e fitores në pesë takimet e fundit, duke barazuar katër dhe duke humbur një.
Skuadra e Ancelotti-t është favorite e kësaj ndeshje, me baskët që kanë mungesa të mëdha në formacionin e tyre.
Inigo Martinez dhe Yuri Berchiche nuk do të jenë në dispozicion të trajnerit për këtë ndeshje.
Në anën tjetër, Gareth Bale dhe Dani Ceballos mungojnë për Real Madrid-in.
Kjo është ndeshja e parë nga dy me radhë që Real-i luan kundër një skuadre baske, me mbretërorët që do të vizitojnë Real Sociedad-in gjatë së shtunës.
Ndeshja sonte fillon në orën 21:00, dhe kompleton një nga katër ndeshjet e mbetura në La Liga.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
