Në ambientet e Akademisë së Kosovës për Siguri Publike në Vushtrri po mbahet testi me shkrim për zyrtarë policorë nga minoritetet.
“Sot, më 25.08.2024, duke filluar nga ora 10:00 në ambientet e Akademisë së Kosovës për Siguri Publike (AKSP) në Vushtrri, është mbajtur testi me shkrim për zyrtarë policorë nga minoritetet. Konkursi ka qenë i shpallur më 11.07.202 dhe ka qenë i hapur deri me 05.08.2024”, thuhet në njoftim për media.
Sipas njoftimit, pritet që 275 kandidatë nga minoritete të marrin pjesë në fazën fillestare-testi me shkrim për t’u bërë pjesë e procesit të përzgjedhjes për zyrtarë policorë.
“Këtë proces e kanë përcjellë zyrtarë nga OSBE-ja dhe EULEX-i. Testi me shkrim përbëhet nga 100 pyetje dhe është i dizajnuar të vlerësojë kandidatin në fushën e njohurive të përgjithshme, gjuhë dhe letërsi si dhe matematikë”.
Ndryshe, rezultati minimal i kërkuar për të kaluar testin me shkrim është 70 për qind të përgjigjeve të sakta nga testi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia nis hetimet për fotografit me mbishkrime kërcënuese në Veri
-
Shqiptarët në Luginë vazhdojnë kundërshtimin e politikave diskriminuese të Serbisë, protestojnë përsëri më 23 shtator
-
Policia bastisje në 9 lokacione në Prishtinë, arrestohen disa persona e konfiskohen armë
-
Fshati Olimpik e kthen Prishtinën në qendër ballkanike të sportit
