Çmimi i madh i Austrisë po zhvillon garën e dytë brenda shtatë ditësh.
E para, përfundoi me dominimin total të pilotit të RedBull, holandezit Max Verstappen.
Dhe e dyta, të paktën për kreun ka nisur njësoj.
Pas dominimit në provat e lira, Max Verstappen siguroi edhe pole-position në ditën e sotme.
Lando Norris, me një xhiro të jashtëzakonshme, arriti të shokoj të gjithë, duke i përfunduar i dyti.
Piloti i McLaren përfundoi i dyti me vetëm gjashtë të qindtat më i ngadaltë se Verstappen.
I treti përfundoi Sergio Perez, piloti tjetër i RedBull.
Zhgënjyen tërësisht pilotët e Mercedes, duke përfunduar në vendin e katërt me Hamilton, dhe në të pestin me Valteri Bottas.
Pierre Gasly e mbylli në vendin e gjashtë, duke lënë pas shokun e skuadrës, Yuki Tsunoda.
Sebastian Vettel doli i teti, kurse në vendin e nëntë, ishte George Russell.
Russell, i përfolur për një ulëse te Mercedes për sezonin e ardhshëm, po i tregon të gjithëve se çfarë mund të bëj, edhe pse ka makinën më të ngadaltë në këtë sezon.
Lance Stroll mbylli provat në vendin e dhjetë.
Zhgënjyen dy makinat Ferrari, që përfundon vetëm në vendin e 11-të me Sainz dhe të 12-tin me Leclerc.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku