Për tre muajt e parë të vitit 2024, Kosova dhe Shqipëria kanë kryesuar në listën e aplikuesve nga Ballkani Perëndimor që kanë kërkuar azil për në një vend të Bashkimit Evropian.
Lajmi është bërë i ditur përmes raportit të publikuar nga Agjencia e Bashkimit Evropian për Azilin (EUAA).
Në këtë raport është thënë se nga Shqipëria u paraqitën në vendet e Bashkimit Evropian, 624 aplikime për azil, ndërsa nga shtetasit e Kosovës 513.
Pas Kosovës dhe Shqipërisë, prin Maqedonia e Veriut, ku numri i azilkërkuesve është 340, nga Serbia 272, Bosnja 109 dhe Mali i Zi, 37.
Sipas të dhënave të ABEA, gjatë vitit 2023, nga shtetasit shqiptarë u paraqiten gjithsej 9 mijë e 145 aplikime në një nga vendet e Bashkimit Evropian.
Teksa, interesi më i lartë i shtetasve shqiptarë për aplikim për azil si për vitin 2023, edhe për tre muajt e parë të vitit 2024 është Franca, Italia dhe Gjermania.
Ndërsa, bazuar në shifrat e raportit të fundit vjetor të Zyrës Europiane të Azilantëve (EASO), për periudhën 2010-2020 nga shteti i Kosovës kishin kërkuar azil në Bashkimin Evropian (BE) 200 mijë persona.
Këto shifra, në raport me popullsinë aktuale të Kosovës, e bëjnë këtë vend të parin në rajon sa i përket aplikimit për kërkesën për azil në periudhën 2010 – 2020.
Franca është shteti i Bashkimit Evropian (BE) ku kosovarët kishin kërkuar më së shumti azil për vitin 2020.
Ajo pasohet nga shtetet anëtare të BE-së dhe zonës Schengen si Gjermania, Italia, Suedia dhe Zvicra.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Policia ngre alarmin për disa “mesazhe mashtruese” që vjedhin llogaritë e mediave sociale
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Gonzato thotë se korrupsioni mbetet ndër tre shqetësimet themelore për rininë shqiptare
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel