Konjufca, Gërvalla e Bislimi bëjnë homazhe pranë lapidarit të policëve të rënë në krye të detyrës
![](https://albanianpost.com/wp-content/uploads/2024/07/koniiii.png)
Në shënimin e Ditës Memoriale të Policëve të Policisë së Kosovës të rënë në krye të detyrës, anëtarë të kabinetit qeveritarë kanë homazhe pranë lapidarit të policëve të rënë.
Në këto homazhe kanë marrë pjesë Zëvendëskryeministri i parë, Besnik Bislimi, Kryetari i Kuvendit, Glauk Konjufca, Ministrja e Punëve të Jashtme, Donika Gërvalla e Ministri i Punëve të Brendshme, Xhelal Sveçla, duke nderuar kështu policët e rënë në detyrë.
Pranë lapidarit ku gjenden emrat e 23 policëve të rënë, zyrtarët qeveritarë kanë vendosur kurora lulesh.
Në këtë ditë, para 13 vitesh, kishte rënë hero polici Enver Zymberi, pasi që ishte vrarë gjatë një aksioni që Policia e Kosovës kishte pasur në Veri të vendit, për të shtrirë sovranitetin në atë pjesë të Kosovës.
Më herët, Kryeministri i Kosovës, Albin Kurti, ka thënë se Enver Zymberi është hero i ligjshmërisë dhe i sovranitetit republikan të Kosovës.
13 vjet nga vrasja e Heroit Enver Zymberi në Veri – hetime “komplekse”, por s’dihet kush e vrau
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com