![](https://albanianpost.com/wp-content/uploads/2023/10/385778632_220336867718590_3756445185795251608_n.jpg)
Kryetari i Asociacionit të Komunave të Kosovës, Agim Aliu, në takimin me kryeministrin e Kosovës, Albin Kurti ia ka paraqitur atij pesë kërkesa.
Në këtë takim të pranishëm ishin edhe kryetarët e komunave të tjerë, ai ka thënë se për këto sfida nga ta po kërkohet zgjidhje.
“Pra, për sfidat, kemi propozuar zgjidhjet, porse për shumë nga to, jemi ende në pritje të adresimit nga nivele ministrore në kuadër të Qeverisë së Republikës së Kosovës, duke ditur se si të tilla, këto propozime e rrjedhimisht edhe zgjidhjet për to, ndikojnë në shkallë të gjerë e rrënjësisht, në përditshmërinë e punës së pushtetit lokal e që po ashtu, të tillat janë jo në kompetencën e vendimmarrjes sonë, por të Qeverisë së Republikës së Kosovës”, deklaroi ai.
Ndërsa, si kërkesë të parë Aliu e ka paraqitur themelimin e grantit të katërt që do të krijoj barazi për komunat.
“1.Themelimi i Grantit të Katërt që do të krijoj barazi për Komunat e Kosovës”.
“2. Përshpejtimi i procedurave në nxjerrjen e akteve nënligjore (në bazë të Ligjit të ri për Zyrtarët Publik) që rregullojnë procedurat e rekrutimit në komuna, , me theks lejimin e listës pritëse në arsim dhe shëndetësisë”.
“3. Kthimin e pronave të menaxhuara aktualisht nga Agjencia Kosovare e Pronave, në menaxhim të Komunave, prona këto që janë përcaktuar dhe të shpallura nga komunat për interes publik e për të cilat komunat i kanë nisur procedurat e projekteve dhe kanë njoftuar me shkrim nivelin qendror”.
Si kërkesë të katërt ai ka thënë se duhet të parashihen investime në infrastrukë sportive në organizimin e Lojërave Mesdhetare.
![](https://albanianpost.com/wp-content/uploads/2023/04/Qeveria-e-Kosoves-720x480-1.jpg)
“Këtu më lejoni që të vë spikamën edhe në nevojën e ndërmarrjes së veprimeve të shpejta, përkitazi më këto prona, kur së fundmi, siç dihet jemi përzgjedhur për organizimin e Lojërave Mesdhetare, e ku parashihen investime të shumta në infrastrukturë sportive po kështu edhe ndërtimi i kapaciteteve të reja sportive – stadiumeve për të cilën kemi nënshkruar marrëveshjet me Ministrinë e Kulturës, Rinisë dhe Sporteve”.
“Fakte këto që bëjnë të menjëhershme nevojën e reagimit nga niveli qendror, për të mundësuar zhvillimin e projekteve në këto prona, kur dihet mirëfilli se shumë nga komunat nuk kanë hapësira në pronësi komunale që do t’i mundësonte zhvillimin e këtyre projekteve”.
Si kërkesë të radhës e kishte krijimin e mekanizmave ligjor për bartjen e pronave të menaxhuara nga Agjencia e Pyjeve për zhvillim të projekteve si dhe në raste të tjera të ketë shmangie të procedurave burokratike për dhënien e lejeve për zhvillim të projekteve komunale, të cilat bartin interesin publik mbi të gjitha.
“5. Të mos lejohet që Zonat Ekonomike në komuna të kalojnë në përgjegjësi të nivelit qendror por të vazhdojnë të administrohen nga Komunat”.
“6. Të rikthehet Projektligji për Prokurimin Publik për plotësim ndryshime sepse aktualisht po shkakton telashe e vonesa në nivelin lokal në kryerje të shumë punëve e zhvillimin e projekteve”.
Granti për komunat në vitin e ardhshëm është 284 mijë e 7 milionë euro.
Në maj pushteti dhe opozita vazhdimisht ishin përplasur për marrjen e të hyrave vetanake nga komunat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com