Javën që shkoj, Klopp e cilësoi stadiumin e dytë të Real Madrid-it, “Alfredo di Stefano”, si një fushë stërvitjeje.

Kjo gjë ngjalli shumë debat në rrjetet sociale, mes tifozëve të skuadrave por madje edhe figura të shquara të skuadrave.

Por, në konferencën e djeshme para ndeshjes, Klopp ka kërkuar falje për komentet e javës së kaluar.

Klopp nuk e kuptoi pse u bë aq zhurmë rreth komenteve të tij.

“Njerëzit kanë bërë shumë zhurmë për atë gjë”, tha Klopp, “nuk desha të tregohem i pasjellshëm”.

“Nëse ata duan që të luajnë në atë stadium, unë nuk kam asnjë problem”, shtoi gjermani.

Ai u shpreh se është i vetëdijshëm për situatën e “Santiago Bernabeu-t”, por si kupton komentet e shumta.

“E di pse nuk luajnë në “Bernabeu””, tha ai, “por të bëhet një gjë kaq e madhe rreth një gjëje aq të vogël, për mua është qesharake”.

“Nëse dikush ka menduar që kam qenë i pasjellshëm, atëherë kërkoj falje”, mbylli Klopp.

Legjenda e Real Madrid-it, Jorge Valdano tha: “Kur “Santiago Bernabeu” i ri të jetë gati, është stadiumi i Liverpool-it ai që do të duket si një qendër stërvitore”.

Sonte zhvillohet ndeshja e kthimit mes dy skuadrave në “Anfield”.