Katar 2022/ Përfundon ndeshja e parë, Ekuadori mposht vendin mikpritës

Ka përfunduar ndeshja e parë e Kupës së Botës, të cilën e fitoi Ekuadroi kundër vendit mikpritës, Katarit.

në këtë sfidë, goli u shënua shumë shpejtë, kur në minutën e tretë, Enner Valencia e kaloi në epërsi Ekuadorin, por goli u anulua nga sistemi VAR për një pozicion jashtë loje.

Megjithatë, nuk vonoi shumë dhe kombëtarja amerikano-latine e gjeti golin e avantazhit.

Goli i parë i Valencia.

Ishte përsëri sulmuesi i Fenerbahce-s, i cili u tregua i saktë nga pika e bardhë e penalltisë, për ta kaluar Ekuadroin në epërsi.

Ish-sulmuesi i West Ham-it u përkujdes edhe për golin e dytë të ndeshjes, kur shënoi me kokë, pas një harkimi nga futbollisti i Genk, Angelo Preciado.

Pjesa e parë u mbyll me epërsi të dyfishtë të Ekuadorit, derisa në fraksionin e dytë gola më nuk pati.

Goli i dytë i Valencia.

Kryesisht u zhvillua një ndeshje me më pak raste. Romario Ibarra e pati një mundësi të mirë për Ekuadorin në minutën e 55-të, por ai dështoi përball portierit të Katarit, Saad Al Sheeb.

Ndërkohë, për Katarin u regjistrua një mundësi e mirë në minutën e 88-të, por goditja e fortë e Mohammed Muntari, shkoi ngjitur me shtyllën transversale.

Ndeshjen e radhës, Katari do ta luajë kundër Senegalit, ndërsa Ekuadori do të përballet me Holandën.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.