Të premten, e veja e gjeniut kompjuterik, John McAfee, fajësoi autoritetet amerikane për vdekjen e tij. McAfee vdiq në një burg spanjoll, ku ai po priste ekstradimin në Shtetet e Bashkuara. Ajo tha me bindje që bashkëshorti i saj nuk ishte vetëvrarë.
Janice McAfee deklaroi se dëshironte një hetim të plotë mbi rrethanat e vdekjes së burrit të saj, i cili u gjet i vdekur në qelinë e tij, në burgun e Barcelonës, në atë që autoritetet thanë se ishte një vetëvrasje e dukshme.
“Fjalët e tij të fundit për mua ishin ‘të dua dhe do të të telefonoj në mbrëmje’. Këto fjalë, nuk janë të dikujt që do të kryejë vetëvrasje”, u tha ajo gazetarëve jashtë ambienteve të burgut, ku burri i saj ishte mbajtur që nga tetori.
“Fajësoj autoritetet amerikane për këtë tragjedi. Për shkak të këtyre akuzave të motivuara politikisht kundër tij, burri im tani ka vdekur”, tha ajo.
Gjithashtu McAfee shtoi se bashkëshorti i saj kishte planifikuar të apelonte kundër vendimit të Gjykatës së Lartë të Spanjës që autorizoi ekstradimin e tij në Shtetet e Bashkuara për akuzat e evazionit fiskal.
“Nuk besoj se ai e bëri këtë, unë do t’i marr përgjigjet”, tha ajo.
Vendimi i gjykatës për ekstradimin e tij u botua të mërkurën, disa orë para lajmit të vdekjes së tij.
Avokati i McAfee, Javier Villalba, tha se familja ishte në pritje të rezultateve të një autopsie zyrtare.
Megjithatë, ai do të kërkonte një autopsi të dytë, të pavarur, siç udhëzohet nga familja McAfee, për të cilën tha se do të merrte masa ligjore, pasi të përfundonte hetimi për vdekjen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Amerika e mban Ukrainën duke luftuar me duart e lidhura
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Zbulohet një diamant 1 mijë karatësh në Botswana
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel