![](https://albanianpost.com/wp-content/uploads/2022/02/Kurti-dhe-Haradinaj-859123.jpg)
Kryetari i Aleancës për Ardhmërinë e Kosovës (AAK), Ramush Haradinaj ka kritikuar Qeverinë e udhëhequr nga kryeministri Albin Kurti, duke thënë ka kapur institucionet dhe se ka penguar investimet në energji nga njëra anë ndërsa ka rritur çmimin e rrymës në anën tjetër.
Qeveria Kurti punësoi familjarët, kapi bordet e institucioneve dhe ndërmarrjeve publike por “Si do ta ndihmosh Kosovën z.Kurti?”, ka pyetur Haradinaj.
“Në energji pengove e refuzove investimet dhe rrite çmimin; Familjarët e anëtarëve të kabinetit tuaj, ministrave e deputetëve, nuk janë më për dasma, por për punësime e ngritje detyre në institucione”.
Haradinaj tutje në postimin e tij në Facebook ka thënë se me militantë Kurti ka kapur bordet, ndërsa bujqve nuk u ka liruar derivatet, ndërsa ka shtuar numrin e “Xhipave të zi”.
![](https://albanianpost.com/wp-content/uploads/2022/02/albin-kurti-xhip.png)
“Me militantët tu, në shpejtësi të paparë, kape bordet e institucioneve dhe ndërmarrjeve”.
“Në mesin e shumë premtimeve të tjera që i shkele sapo erdhe në pushtet, është edhe mbështetja për bujqit, të cilëve nuk ua lirove naftën e as nuk i subvencionove, por as nuk ule numrin e ‘xhipave qeveritarë’”.
Haradinaj ka thënë se deputetet e Lëvizjes Vetëvendosje po dalin të jenë dëmtuesit më të mdhënjë të buxhetit të shtetit.
“Deputetët tuaj, po dalin të jenë kampionët e harxhimeve buxhetore”, ndërsa qytetarët në mënurë masive po “ikin” nga Kosova, andaj ai i ka bërë thirrje Kurtit që të ju jep sqarime qytetarëve për situatën në të cilën i ka katandisur.
“Rreth 100 mijë qytetarëve që kanë kërkuar vizë pune vetëm në njërën nga ambasadat, por edhe të gjithë qytetarëve të Kosovës, sqaroju se si do e ndreqësh gjendjen në këtë vend?”, ka shkruar Kurti në Facebook.
![](https://albanianpost.com/wp-content/uploads/2022/02/kryeminstri-i-kosoves-1.png)
Ndërsa Kurti, në një konferencë për media ka komentuar listën e shpenzimeve të deputetëve për karburante për dy muajt e fundit të vitit të kaluar, duke potencuar se një gjë e tillë është e trashëguar.
I pari i ekzekutivit ka bërë thirrje Kuvendit ta ndryshojë këtë rregullore.
Ai madje konsideron si të pa drejtë piketimin e ndonjë deputeti ose deputeteje të veçantë për një vendim që është e vitit 2011.
“Unë kuptojë që shpenzimet e tilla dhe këto praktika mund të kenë qenë të trashëguara nga kuvendet e kaluara sidoqoftë këto pagesa duhet rregulluar dhe kuvendi duhet të ndërmerre veprime për të ndryshuar rregulloren e kuvendit për kompenzimin e mjeteve për deputetët që udhëtojnë”, ka thënë Kurti.
“Unë e kuptojë plotësisht indinjatën e qytetarëve”.
Kurti gjatë konferencës ka përmendur edhe njoftimin e shefes së Grupit Parlamentar të Lëvizjes Vetëvendosje, Mimoza Kusari-Lila, se deputetët e kësaj partie do të tërhiqen nga kompensimi i shpenzimeve të udhëtimit në mënyrë vullnetare.
“Kusari-Lila, tashmë ka dhënë njoftim për këtë çështje, që deputetët tanë të tërhiqen vullnetarisht nga një kompensim i tillë dhe ka kërkuar nga Kuvendi të rishikohet kjo rregullore. Këto pagesa duhet të rregullohen, Kuvendi duhet të ndryshojë rregulloren për kompensimin për deputetët e Kuvendit”, ka thënë ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com