![](https://albanianpost.com/wp-content/uploads/2024/07/stolb.jpg)
Ministrja e Punëve të Jashtme të Kosovës, Donika Gërvalla, nëpërmjet një postimi në platformën sociale, X, ka potencuar se Kosova ndan respektin dhe admirimin e anëtarëve të NATO-s për arritjet historike të Sekretarit të Përgjithshëm të NATO-s, Jens Stoltenberg, i cili e përfundoi mandatin e tij në krye të Aleancës Veri – Atlantike.
“Kosova uron Stoltenberg për dhënien e Medaljes Presidenciale të Lirisë nga presidenti i SHBA-ve, Joe Biden, në Samitin e NATO-s në Uashington”, ka shkruar ajo në platformën sociale, X.
Ish-kryeministri i Holandës, Mark Rutte, zyrtarisht u emërua si Sekretari i Përgjithshëm i NATO-s.
Rutte do ta marrë detyrën e sekretarit të Përgjithshëm të aleancës më të madhe ushtarake nga 1 tetori 2024, kur i mbaron mandati shefit të tanishëm Jens Stoltenbergut.
Mark Rutte, nga liderët shtetërorë të Kosovës, u portretizua gjithmonë si një partner me të cilin mund të diskutohet për shumë çështje vitale për vendin – nga siguria e stabiliteti afatgjatë deri te avancimi i Kosovës drejt integrimeve euro-atltantike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com