Pas 144 ditësh mungesë, Gareth Bale është rikthyer në listën e Carlo Ancelotti-t.
Bale do të jetë i pranishëm, dhe me shumë mundësi do të luajë në ndeshjen e kupës që Real Madrid e zhvillon të enjten e 20 janarit përballë Elche-s në udhëtim.
Uellsiani pësoj një lëndim në kyçjen e këmbës së majtë, që e mbajti jashtë fushave për më shumë se katër muaj.
Hera e fundit kur uellsiani u paraqit në një ndeshje zyrtare për Real Madrid-in, ishte më 28 gusht të vitit 2021 përballë Real Betis.
Ai do të rikthehet, në ato çfarë do të jenë gjashtë muajt e tij të fundit te madrilenët.
Bale është i vetëdijshëm që madrilenët nuk do t’ia rinovojnë kontratën, por përkundër kësaj ai është shumë i motivuar që të jap maksimumin në pjesën e mbetur të aventurës së tij në Madrid.
Por, Bale nuk është ende i qartë se çfarë do të bëj pas 30 qershorit të këtij viti, kur edhe zyrtarisht i skadon kontrata me Real Madrid-in.
Sipas mediave angleze, Bale ka vendosur që t’i jap fund karrierës tani – pas përfundimit të kontratës.
Mirëpo, agjenti i Bale ka lënë gjithçka të hapur, duke i lënë skuadrat tjera me sy hapur për shërbimet e tij.
Madrid jo, por e ardhmja e Bale ndahet mes shtëpisë ose aventurës së re, se cilën do zgjedh ai – edhe vet Bale është i paqartë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
