Sport

Fillon fundjava e garës së Turqisë, si duket gjendja në Formula 1?


Fillon edhe një tjetër fundjavë në sezonin epik të Formula 1.

Turqia do të ketë nderin që të mbajë çmimin e madh këtë javë, me Stambollin që është vendi për garën e shtatë para fundit.

Këtë edicion, një luftë historike për titull po zhvillohet, me dy emrat e përshfirë që janë Max Verstappen i RedBull dhe Lewis Hamilton i Mercedes.

Lewis Hamilton në garën e Sochi-t

Max po e kërkon titullin e tij të parë, kurse Lewis të tetin, për t’u shndërruar në kampionin absolut në histori të këtij sporti.

Për shumë kë, ky duel për kampionatin po konsiderohet si ai historiku, mes James Hunt dhe Niki Lauda.

Ai duel, aq i ashpër ishte, sa që një film i tërë u dedikua për të.

Kështu po del të jetë edhe ky tjetri.

Pas 15 garave të zhvilluara, vetëm dy pikë i ndanë në klasifikimin e përgjithshëm këta dy pilotë.

Max Verstappen në garën e Monza-s

246.5 ka Hamilton, 244.5 ka Max Verstappen.

Por, çfarë të presim nga Turqia?

Sipas testeve, RedBull-i është më e përshtatur për këtë garë se sa Mercedes-i, me këta të fundit që në teste ishin edhe pas makinës të cilës i ndihmojnë me motor, McLaren-it.

Te skuadra austriake, kjo fundjavë shihet si mundësia e artë për Max Verstappen që të rimarrë kreun.

Bull-i, këtë javë vjen me një dizajnë ndryshe, i veshur krejtësisht në të bardhë, në nderë të Honda-s, që këtë vit do largohet nga Formula 1.

Makina speciale e RedBull që do të përdoret në garën e Turqisë, e dizajnuar në nderë të furnizuesit me motor të austriakëve, Honda-s

Ashtu si ngjyra e makinës, ata shpresojnë që të jetë edhe fundjava për ta.

Lufta tjetër e ashpër është ajo për konstruktor.

Aksidenti në Monza, mes Lewis Hamilton dhe Max Verstappen

Mercedes ka 397.5 deri sa RedBull 33 më pak, 364.5.

Pra, këtë fundjavë ata nuk kanë nevojë vetëm për fitore nga Max, por edhe për një garë të madhe nga Checo Perez.

Sergio Perez në garën e Sochi-t

Mirëpo, çdo llogari e përparme mund të prishet nga moti i fundjavës.

Shiu do të mbizotërojë mbi “Istanbul Park” gjatë provave zyrtare, por edhe gjatë garës.

Kush do të jetë “mjeshtri i shiut” pritet për t’u parë, por Formula 1 pret edhe një tjetër garë spektakolare në një sezon po aq spektakolar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore