F1 – Nga 10 deri në 1, renditja e skuadrave

Si çdo vit, edhe këtë herë, ekspertët e Formula 1, kanë publikuar renditjën e fuqisë së skuadrave, nga e fundit deri te e para.

Surpriza ka, sidomos në krye.

Renditja bëhet në bazë të testimeve parasezonale, që këtë vit, ndryshe nga herat tjera, ishin shumë interesante.

Në vendin e 10-të, është skuadra amerikane e HAAS.

HAAS nuk ishte skuadra më e ngadaltë në Bahrain, por nga sezoni i kaluar, është skuadra që ka bërë më së paku progres.

Me dy pilotë fillestar, Mick Schumacher dhe Nikita Mazepin, HAAS pritet që të kaloj edhe një sezon me shumë probleme në F1.

9.Williams

Siç tha edhe George Rrusell: Skuadra është mirë, por vërehet se do jetë e mirë vetëm në numër të limituar garash, jo në të gjitha.

Williams ka probleme me stabilitetin, dhe kjo i garanton më shumë cilësi në garat rrugore dhe ato që kanë shpejtësi mesatare, jo në të shpejtat, si Monza, Belgjika apo dhe Arabia Saudite.

8.Alfa Romeo

Përkundër që Kimi Raikkonen e mbylli ditën e fundit të testimeve në vendin e katërt, nuk duket se Alfa mund të bëjë pjesë në luftën e “mesfushës”.

Edhe pse dy pilotet janë shumë të kënaqur me ritmin dhe stabilitetin e makinës, Alfa është makina më e ngadaltë në shpejtësinë maksimale.

7.Aston Martin

Makina më e panjohur dhë më intriguese është ajo e Aston Martin.

E shpejtë në ditën e parë të testeve, shumë e ngadaltë në ditën e fundit.

Në bazë të shpejtësisë, ishte e treta, por performanca që treguan, nuk ishte fare stabile.

Mbetet për t’u parë se çfarë do na ofrojë në gara.

6.AlphaTauri

Me dy nga pilotët më të përfolur e më të talentuar në botë, AlphaTauri po i drejtohet një sezonin të mrekullueshëm.

Dyshja Gasly – Tsunoda është gjithçka që një skuadër mesatare e F1 dëshiron të ketë në skuadër.

Tsunoda përfundoi i dyti në ditën e tretë të provave, duke qenë vetëm 0.093 sekonda më i ngadaltë se Verstappen.

AlphaTauri mund të jenë surpriza e sezonit për disa rezultate të mëdha këtë sezon, me dilemën e vetme që është shpejtësia e garës.

5.Ferrari

Ferrari duket pak më mirë se sezonin e kaluar, Sainz dhe Leclerc kompletuan disa xhiro shumë të mira.

Por, ka hapësirë edhe për shpresë, sepse Ferrari nuk shfaqi më të mirën në testet e Bahrain.

Nëse Sainz përshtatet mirë me makinën e re, skuadra nga Maranello mund të prodhoj shumë surpriza këtë sezon.

4.Alpine

Skuadra franko-angleze, me një dyshe të pilotëve të mrekullueshme, po i drejtohet një sezoni të madh.

Edhe pse me rezultat jo fort bindëse në teste, ishte e vetmja skuadër pos RedBull-it që ofroi stabilitet në çdo aspekt.

Alonso dhe Ocon kanë një makinë që mund të konsiderohet si më e shpejta pas Mercedes, dhe podiumet për ta mund të jenë të shpeshta këtë sezon.

3.McLaren

Me motor Mercedes, dhe me Daniel Ricciardo-n përkrahë Lando Norris, McLaren mund të shkaktoj surprizën “e madhe” të sezonit.

Makinë stabile, motor mercedes, shpejtësi konstante në pista të ndryshme. McLaren është e lirë të shpresojë për disa fitore këtë sezon.

2.Mercedes

Ata janë si Pizza: edhe kur nuk shijon e mirë, përsëri është mjaftueshëm e mirë.

Kishte disa probleme gjatë testimeve, por siç duket ato janë lehtë të përmirsueshme.

E vetmja diferencë, është që ata nuk janë në vendin e parë, dhe pas shumë viteve, pritet një luftë e ashpër për titullin në F1.

1.RedBull

“Definitivisht. Mendoj që ka qenë më i miri”,tha Max Verstappen, kur u pyet për testimet parasezonale.

Një makinë stabile, sidomos në “shpinë” – pjesa ku RedBull kishtë më shumë probleme në vitin 2020.

Me Verstappen, dhe një super pilot në Perez, RedBull synon titullin duke shpresuar që të mos ketë “luftë” egoje në skuadër mes dy pilotëve.

Dhjetë kanë mbetur deri te gara e parë në F1, me një sezon përpara nesh që premton shumë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com