Shefi i EULEX-it në Kosovë, Giovanni Pietro Barbano, ka thënë se ky mision do të vazhdoj mbështetjen ndaj Qendrës Korrektuese të Kosovës (QKK).
Deklaratën Barbano e ka bërë pas pjesëmarrjes së tij në ceremoninë e diplomimit të gjeneratës së 44-të.
“Me kënaqësi të marrë pjesë në Ceremoninë e Diplomimit të Gjeneratës së 44-të të Trajnimit Profesional të Oficerëve Korrektues për 64kKadetët e Shërbimit Korrektues të Kosovës”.“Duke ju uruar të gjithë të diplomuarve më të mirën në përpjekjet e tyre dhe ritheksoj mbështetjen e EULEX-it për SHKK-në”, ka shkruar Barbano në rrjetin social ‘X’.
Delighted to participate in the 44th Generation Graduation Ceremony of the Correctional Officer Vocational Training for 64 Cadets of the Kosovo Correctional Service. Wishing all graduates the very best in their endeavours, and I reiterate EULEX’s support to the KCS. pic.twitter.com/G6KPwrOiYY
— Giovanni Pietro Barbano (@EulexHoM) July 17, 2024
Për një periudhe fare të shkurtër nga burgjet e Kosovës janë arratisur katër të burgosur.
Pas Enver Sekiraqës, Faton Hajrizit dhe Marko Roshiç-it – që të tre të dënuar për vrasje – së fundmi nga burgjet e Kosovës u arratis edhe Ujkan Metaj.
Javën e kaluar, Faton Hajrizi i dënuar me 27 vite burgim për vrasjen e një ushtari rus u arratis nga dhoma e burgut përmes dritares.
Nga aty, Hajrizi e kaloi rrethojën e jashtme të burgut të Smrekovnicës dhe u largua për herën e nëntë.
Për këtë të fundit, ministri i Punëve të Brendshme, Xhelal Sveçla, theksoi të hënën se është çështje orësh, apo ditësh kur do të prangoset.
Gjatë muajit maj u arratis edhe Enver Sekiraqa i dënuar me 25 vjet burgim nga Gjykata Themelore e Prishtinë për nxitje në vrasjen e ish-policit Triumf Riza.
Por, shteti ende nuk ka arritur t’i bie në gjurmë se ku po fshihet Sekiraqa i mirënjohur nga bota e krimit në Kosovë.
Ndryshe, më 23 maj, Policia e ka shpallur në kërkim Sekiraqën, duke kërkuar bashkëpunim me qytetarët për arrestimin e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
