Ekskluzive në Albanian Post: Dokumentari “VERIU SI TIROLI JUGOR – askush s’e besonte as atëherë”
![](https://albanianpost.com/wp-content/uploads/2023/06/eshkl.jpg)
Ekipi i Albanian Post ka qëndruar për disa ditë në Tirolin Jugor/Alto Adige, duke realizuar intervista me udhëheqësit institucionalë të Tirolit, ekspertë të çështjeve për minoritetet, profesorë universitarë, deputetë, gazetarë e qytetarë në Tirolin Jugor/Alto Adige.
Me qasje ekskluzive brenda parlamentit të Tirolit Jugor/Alto Adige dhe Qeverisë, do të shpjegohet qartësisht rregullimi institucional atje dhe ngjashmëritë e diferencat me situatën në Kosovë.
Meqë ndërkombëtarët vazhdimisht kanë përmendur se ka modele evropiane që mund të aplikohen në Kosovë për Veriun, AP udhëtoi për në Tirolin Jugor për të shpjeguar një nga modelet më të suksesshme evropiane.
Historia e jashtëzakonshme e dy popujve që kaluan nga sulmet me bomba në bashkëjetesën që ka parë zhvillimin më të madh ekonomik në Evropë, vjen sot ekskluzivisht në Albanian Post.
Dokumentari “Veriu si Tiroli Jugor – askush s’e besonte as atëherë”, vetëm në Albanian Post (Facebook dhe Youtube) me fillim në orën 14:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com