![](https://albanianpost.com/wp-content/uploads/2021/11/261398413_3058552427693437_6968200777028258252_n.jpg)
Dortmund ka arritur një fitore të madhe në fushën e Wolfsburg.
Verdhezinjtë e nisën ndeshjen shumë keq, duke pësuar qysh në minutat e para të takimit.
Ishte sulmuesi holandez i ujqërve, Weghorst, ai që shënoi për 1-0, pak para se të mbyllen 120 sekonda lojë.
Pas golit të pësuar, Borussia Dortmund do të mund të merrte lojën tërësisht nën kontroll, duke krijuar shumë mundësi.
Por, golin skuadra e Marco Rose do ta gjente vetëm nëpërmjet penalltisë.
Në minutën e 35-të, nga pika e bardhë, i saktë u tregua Emre Can, që shënoi për 1-1.
Me rezultat të barabartë u mbyll pjesa e parë.
Dotmund-i u kthye në të njëjtën formë në pjesën e dytë, pra plot dominim në ndeshje.
Dhe, mundi i tyre u shpërblye pas 10 minutash, kur Marco Reus asistoi për holandezin tjetër që gjeti golin në këtë takim, Doneyll Malen.
Deri në fund, Dortmund-i e gjeti golin edhe njëherë.
Rrugën e rrjetës e gjeti njeriu i rikthyer nga lëndimi, Erling Braut Haaland. Norvegjezi shënoi për 1-3 që do të ishte edhe rezultati përfundimtar.
Pastaj, Borussia Dortmund menaxhoi shumë mirë epërsinë, duke marrë tre pikë që e ngjisin përkohësisht në krye të tabelës.
Në ndeshjet tjera, kishte spektakël golash, ato përfunduan me këto rezultate:
Bochum 2-1 Freiburg
Koln 4-1 Moncengladbach
Greuther Furth 3-6 Hoffenheim
Hertha Berlin 1-1 Augsburg
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”