Dokumenti i EUReporter: Monika Kryemadhi ka marrë dy pagesa për kompani offshore të oligarkëve rusë
![](https://albanianpost.com/wp-content/uploads/2023/03/Kryemadhi-AP.jpg)
Dëshmi të zbuluara nga organi i pavarur i lajmeve “EUReporter” tregojnë se Monika Kryemadhi, gruaja e ish-presidentit shqiptar që qeverisi në koalicion me PD-në Ilir Meta, ka marrë një sërë pagesash në vitin 2017 nga kompani të kontrolluara përfundimisht nga biznesmenë rusë të naftës me lidhje të ngushta me Kremlin-in përmes një sërë kompanish opake offshore.
Siç tregojnë dokumentet, Kryemadhi bëri një pagesë për një kompani offshore, “Vradus Holdings”.
Kjo e fundit, u zbulua se kontrollohej përfundimisht nga Vitaly Savvin, një tregtar rus nafte, kompania ruse e naftës e të cilit u zbulua gjithashtu nga Forbes se kishte qenë një nga donatorët më të mëdhenj të partisë së Vladimir Putin-it.
Më tej, Kryemadhi ka marrë pagesa nga kompania offshore “Holdem Holdings”, e cila kontrollohet nga oligarkët rusë të naftës Alexander Smuzikov dhe Alexander Kaplan.
Smuzikov dhe Kaplan bënë pasurinë e tyre në botën e turbullt të naftës ruse në një kompani të kontrolluar nga oligarkët rusë.
Që prej atëherë ata janë sanksionuar për shkak të lidhjeve të tyre me Kremlin-in.
EUReporter shkruan se mbetet e paqartë pse Kryemadhi i ka marrë këto pagesa nga këta biznesmenë rusë.
Siç përshkruhet në dokumente, referencat e pagesës përfshijnë ‘dividend për aksionarët’ dhe ‘shërbimet e marketingut’.
Bashkëshorti i Kryemadhit, Meta, aktualisht drejton Partinë e Lirisë, një nga partitë më të mëdha opozitare në Shqipëri, e lidhur ngushtë me PD-në.
Vende të tjera në Ballkanin Perëndimor si Shqipëria dhe Maqedonia e Veriut kanë qenë historikisht më pak të ndjeshme ndaj ndërhyrjeve ruse.
Kjo, kryesisht për shkak të mungesës së tyre të mbështetjes në energjinë ruse dhe mungesës së lidhjeve kulturore.
Megjithatë, gjatë dekadës së fundit Rusia ka kërkuar vazhdimisht të ndikojë keqdashës mbi këto vende përmes metodave të ndryshme, duke përfshirë financimin e partive opozitare me ndjenja proruse dhe përpjekjet për të paguar dhe/ose rekrutuar anëtarë të aparatit të sigurisë dhe politikës.
Në të vërtetë, siç zbulohet nga një vlerësim i deklasifikuar i inteligjencës amerikane në vitin 2022, Rusia shpenzoi 500 mijë dollarë amerikanë për financimin e partisë politike opozitare të qendrës së djathtë të Shqipërisë, Partisë Demokratike (PD) në zgjedhjet shqiptare të vitit 2017.
Rusia gjithashtu dyshohet se ka mbështetur grupet e djathta ekstreme të cilat kanë propaganduar teori konspirative se kryeministri aktual Edi Rama dhe partia e tij politike Partia Socialiste (PS) kontrollohen nga George Soros.
Rusia po përdor të gjitha mjetet për të shtrënguar kontrollin në Ballkan
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com