Angel Di Maria pothuajse ka konfirmuar që ky është sezoni i fundit i Kylian Mbappe te PSG.
Futbollisti argjentinas ka folur për tabloidin francez RMC Sport, duke u shprehur për të ardhmen e Mbappe-s, rëndësinë personale në klub dhe Topin e Artë.
“Mbappe e di se çfarë drejtimi dëshiron t’i jap jetës dhe karrierës së tij”, e nisi Angel Di Maria.
“Do të donim që Mbappe të qëndronte”, vazhdoi ai, “të mos largohet, por është zgjidhja e tij personale”.
“Thjesht është kënaqësi të luaj me të, gjithçka tjetër është vendimi i tij”.
Mbappe pritet që gjatë verës të kompletojë transferimin e shumë dëshiruar te Real Madrid-i.
Sa i përket Topit të Artë, Di Maria thotë se atë e meriton shoku i tij i skuadrës, edhe te Argjentina edhe te PSG, Lionel Messi.
“Messi, pa dyshim”, shprehet ai, “ka qenë futbollisti më i mirë i këtij viti me një diferencë të madhe”.
Kurse, për sa i përket roli të tij në klub, ai e pranon që ka ndryshuar pak.
“Kur e ke një treshe si Messi, Neymar dhe Mbappe përpara, është e vështirë të luash”.
“Por”, vazhdon ai , “Pochettino shpesh herë më inkuadron në krah, derisa Messi mbetet në mes, jam i lumtur”.
“Po luftojë për çdo sekond, për çdo mundësi, kam shumë besim te vetja dhe që rasti im do të arrijë përsëri”.
Di Maria po kalon sezonin e tij të pestë te PSG, ku ka fituar shumë trofe dhe ka qenë një ndër lojtarët më të rëndësishëm të ekipit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë