Ushqimi i duhur është jashtëzakonisht i rëndësishëm për një jetë të shëndetshme dhe të gjatë.
Peter D’Adamo, mjek dhe ekspert botëror në glikobiologji, kryesisht grupet e gjakut, pohon se dieta duhet të përshtatet me grupin tuaj të gjakut.
Përveç që është e mirë për shëndetin, një dietë e duhur mund të na ndihmojë edhe për të humbur kilogramët e tepërt, por është e rëndësishme të dini se cilat ushqime kujt i rekomandohen.
Grupi i gjakut 0
Dieta duhet të bazohet në një konsum të lartë të proteinave, mishit pa yndyrë, produkteve të qumështit, peshkut, perimeve, bishtajoreve. Ushqimet e detit, algat e detit, mishi i kuq, brokoli, spinaqi dhe vaji i ullirit janë më të mirat për humbje peshe, ndërsa gruri, misri dhe produktet e qumështit duhen shmangur.
Grupi i gjakut A
Duhet të shmangni mishin dhe të zgjidhni një dietë vegjetariane me shumë bishtajore, fruta dhe perime dhe drithëra. Ushqimet e detit, perimet, ananasi, vaji i ullirit dhe soja janë më të mirat për humbje peshe dhe ato që duhen shmangur janë: produktet e qumështit, gruri, misri dhe fasulet.
Grupi i gjakut B
Shmangni misrin, domatet, kikirikët dhe farat e susamit. Mishi i pulës gjithashtu mund të jetë një zgjedhje e keqe. Hani perime jeshile, vezë, mish të kuq dhe produkte qumështi me pak yndyrë. Për humbje peshe duhet të zgjidhni perimet jeshile, vezët dhe mëlçinë dhe të shmangni pulën, misrin, kikirikët dhe grurin.
Grupi i gjakut AB
Dieta juaj duhet të përfshijë ushqim deti, produkte qumështi dhe perime jeshile për shkak të sasisë më të ulët të acidit në stomak. Shmangni kafeinën, alkoolin dhe mishrat e tymosur. Ushqimet e detit, perimet jeshile dhe algat janë më të mirat për humbje peshe, dhe mishi i pulës, misri dhe fasulet duhet të shmangen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
