Tifozët e futbollit në shtetin jugor indian të Kerala-s janë dalluar gjithmonë për dashurinë e tyre për futbollin në një vend të çmendur pas kriketit.
E diela nuk ishte ndryshe pasi shteti u përgatit për të parë finalen mes Argjentinës dhe Francës.
Ekrane të improvizuara u vendosën në të gjithë shtetin ndërsa flamujt argjentinas dhe francezë valëviteshin në rrugë, e tifozët ishin mbledhur me mijëra për të parë ndeshjen.
Por një çift ranë në sy në përkushtimin e tyre për lojën e bukur.
Data e dasmës së Sachin R dhe R Athira përkoi me finalen të dielën.
Ndërsa ata ranë dakord për shumicën e gjërave në lidhje me dasmën e tyre, ata nuk donin të bënin kompromis se cilin ekip mbështetën në finale.
Sachin është një tifoz i flaktë i yllit argjentinas Lionel Messi, ndërsa Athira është një mbështetëse e pasionuar e ekipit francez të futbollit.
Disa orë përpara se të dy skuadrat të takoheshin në stadiumin Lusail të Katarit në një nga ndeshjet më spektakolare në historinë e Kupës së Botës, ata u martuan me njëri-tjetrin në një ceremoni të mbajtur në qytetin Kochi.
Mbi bizhuteritë e tyre dhe veshjet tradicionale të dasmës, çifti kishte veshur fanellat me numrin 10 – Athira veshi një bluzë të sulmuesit francez Kylian Mbappe ndërsa Sachin veshi ngjyrat e Argjentinës për Messin.
Gazeta Malayala Manorama raporton se pas ceremonisë së tyre të dasmës, çifti nxitoi me pritjen dhe festën e dasmës për t’u kthyer në shtëpinë e Sachin-it për të parë finalen.
Argjentina fitoi finalen me penallti 4-2, duke i dhënë 35-vjeçarit Messi mundësinë për të ngritur përfundimisht trofeun e Kupës së Botës.
Kerala, ku Messi ka një ndjekës të madh, ka festuar fitoren që nga mbrëmja e së dielës, ndërsa tifozët valëvitnin flamujt e Argjentinës dhe nisën fishekzjarre në të gjithë shtetin.
Në Thrissur, një pronar hoteli mbajti premtimin e tij për të shërbyer biryani falas nëse Argjentina fitonte.
Marrë dhe përshtatur nga BBC për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Përplasje në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
Raportohet se BE po përgatit pozitë të re për Lajçak-un