Zhvillohen sot tri ndeshje në kuadër të javës së 15-të në Superligën e Kosovës.
Në fokus është derbi i dytë i qytetit të Gjilanit, Gjilani – Drita.
I pari derbi i këtij sezoni kishte përfunduar me rezultat 2-0 në favor të Gjilanit, dhe Drita sot kërkon të “hakmerret”.
Dy skuadrat udhëheqin tabelën me nga 25 pikë pas 14 ndeshjesh, dhe sot luhet për kreun.
Ndeshja vjen me fillim në orën 13:00, ashtu si edhe dy ndeshjet tjera të ditës.
Në Skenderaj, Drenica e pret Llapin, në tentativë për t’u kthyer te fitorja pas një ecurie shumë të dobët.
Llapi në anën tjetër kërkon të përfitojë nga hapi fals i njërës prej skuadrave të Gjilanit, që të afrohet edhe më shumë me kreun dhe pozitat evropiane.
Ndeshja tjetër zhvillohet mes Ballkanit dhe Malishevës.
Vetëm një pikë më pak se skuadrat e Gjialnit, edhe Ballkani do të jetë me një sy nga derbi.
Një barazim eventual në atë ndeshje dhe një fitore e Ballkanit, do të thoshte ngjitje në krye për suharekasit.
Superliga e Kosovës mbyll sot javën e 15-të, dhe kthehet menjëherë në fundjavë.
/Albanianpost.com
