Dea Pushkolli është një basketbolliste me origjinë shqiptare që ka arritur një nivel të lartë në basketbollin amerikan.
Dea ka nënshkruar kontratë zyrtarisht me The Duquesne Dukes dhe do ta përfaqësoj ekipin e universitetit të Duquesne.
Kjo skuadër ndodhet në Pitsburg të Pensilvanisë në NCAA divizionin e parë të basketbollit.
Skuadra e Deas luan në konferencën Atlantic 10.
Njoftimin për hapin e madh në karrierën e Deas, e bëri një nga njerëzit e afërm të saj, Roni Ahmatovic.
Me një postim në rrjetin social Facebook, ai shkruan:
“Përgëzime, mamba ime e bardh – Dea Pushkolli”.
“Përgëzime në suksesin tënd të jashtëzakonshëm! Gjithmonë isha i bindur se ti do t’ia arrije, dhe jam shumë krenarë për ty”.
“Të pash duke punuar fort çdo ditë që të arrish deri këtu, dhe nuk mund të mendojë se dikush tjetër e meriton më shumë”.
“Ti dhurove një shembull të shkëlqyeshëm për të gjithë që unë i stërvis. Për të gjithë, shembulli im je ti”.
“Ti kalove shumë vështirësi që të jesh ku je tani. Këmbëngulja jote është inspirimi për këdo që të ka takuar. Ti e meriton çdo shpërblim që po vjen drejt teje”, shkruan ai.
Dea Pushkolli vazhdon ndjekjen e ëndrrës, për të qenë basketbollistja e parë shqiptare që luan në ligën më të fortë në botë të basketbollit të femrave, WNBA.
Më 12 dhjetor të këtij viti, Dea do t’i mbush 18 vjet.
Hapat e parë të basketbollit ajo i ka pas në shkollën e basketbollit M-Junior në Bregun e Diellit, aty edhe ku ka banuar, tregon Roni Ahmatovic për Albanian Post.
Dea ka luajtur për ekipin e meshkujve të këtij klubi deri në moshën 13-vjeçare, por sipas rregullave të Federatës, nuk ka pas të drejtë që të vazhdojë tutje. Pastaj ajo ka vazhduar me Prishtinën në ligën e femrave dhe Kombëtaren e Kosovës për të gjitha gjeneratat.
Talenti i saj u vu re në një kamp në San Antonio, Texas, ku ajo ishte së bashku me Ronin.
Aty ju bën edhe oferta për të vazhduar karrierën në SHBA. Dea më parë ka luajtur në the Rock HS të Florida-s, dhe paraqitjet e jashtëzakonshme në këtë klub e kanë vënë Pushkollin në radarin e të gjithëve.
18-vjeçarja ka pasur oferta nga pesë ose gjashtë skuadra në ligën e parë, dhe ka vendosur të nënshkruajë për Duquesne University.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
