Kryeministri i Kosovës, Albin Kurti, gjatë vizitës së tij në Klinikën e Gjinekologjisë, e cila aktualisht është duke u rinovuar ka thënë se s’do të ketë më shumë shtretër sesa 2 brenda një dhome.
Ai gjatë vizitës së tij personelin mjekësorë i quajti “heronj të heshtur”, të cilët sipas tij s’do të marrin asnjëherë mirënjohjen e merituar publike.
“Le ta shfrytëzojmë këtë vizitë që t’ua kthejmë një pjesë të vogël të borxhit të pamatshëm që në parim është i pakthyeshëm”.
“Unë në veçanti u gëzova kur mora vesh që nuk do të ketë më dhoma me nga 6 deri në 9 shtretër, por maksimalisht 2 shtretër, kjo është tejet e rëndësishme edhe për suksesin e shërbimit që jep personeli, e gjithashtu edhe për kushtet në të cilat trajtohet pacientja ose pacienti”, ka thënë Kurti, thuhet në komunikatën dërguar mediave nga Zyra e Kryeministrit.
Tutje, kreu i ekzekutivit ka kujtuar sakrificën e grave ndër vite.
“Ka pasur një betejë të gjatë e cila ende nuk është e përfunduar për barazinë gjinore që ndodhet në thelb të barazisë shoqërore”.
“Besoj që këtë duhet ta dëshmojmë përditë, jo vetëm më 8 Mars, mirëpo më 8 Mars ne kujtojmë ato gra të cilat përgjatë dekadave, jo vetëm të këtij shekulli, por edhe atij të kaluar e më herët, kanë kontribuar e janë sakrifikuar në mënyrë që të jemi të barabartë në punë edhe në jetë.
Ndërsa, i ka quajtur “lajm të mirë” edhe shërbimet e reja në klinikën e Gjinekologjisë.
“Fertilizimi i Asistuar Mjekësor, si dhe Mjekësia Fetale dhe Amniocenteza të cilat pa dyshim që do ta rrisin edhe reitingun e QKUK-së, në përgjithësi e në veçanti Klinikës Gjinekologjike”.
“Por, në të njëjtën kohë, paralelisht siç e dimë edhe ne nga politika do të rriten pritjet e pacientëve, pra pacientët kur iu tregoni se jepni më shumë shërbime dhe e keni ngritur cilësinë e shërbimeve, automatikisht ngritën edhe pritjet e tyre”.
Më 3 nëntor të 2023-ës, Qeveria e Kosovës, kishte pranuar financim nga Banka Botërore për koston e Projektit të Emergjencës së Kosovës, COVID-19 përmes së cilës synon që të nis renovimin në klinikën e Gjinekologjisë dhe Urologjisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel