Bletët punëtore të Brentford-it e dërgojnë klubin në Premier League

U zhvillua në mitikun “Wembley” finalja e play-off në Championship.

Brentford – Swansea ishte ndeshja e cila do të përcaktonte fituesin dhe skuadrën e tretë që ngjitej në Premier League.

Dy skuadrat ishin ndeshur dy herë më parë atë sezon, gjatë sezonit të rregulltë.

Të dyja ndeshjet kishin përfunduar me barazim 1-1.

Por, finalja ishte një histori krejt ndryshe, me Brentford-in që ishin shumë të fortë për uellsianët.

Vetëm pas dhjetë minutave lojë, njeriu i sezonit, Ivan Toney, shndërroi në gol penalltinë, duke i dhuruar epërsinë bletëve.

Dominimi i bletëve përfundoi, dhe mundi u shpërblye përsëri dhjetë minuta më vonë, në të 20-tën.

Marcondes, pas një asistimi të Rasmussen, dyfishoi shifrat.

Ndeshja vazhdoi në këtë mënyrë, dhe mundësitë ishin shumë të pakta për skuadrën e Swansea-t.

Ato u ralluan në minutën e 65-të, kur Fulton u ndëshkua me karton të kuq.

Kështu, Brentford iu drejtua Premier League-s, për herë të parë në histori që nga riformimi i saj.

Hera e fundit kur ata ishin në kategorinë më të lartë të futbollit anglez, ishte sezoni 1946/’47.

Nga kjo fitore, Brentford do të fitojë plot 200 milionë euro, në atë që njihet si “ndeshja më e pasur e futbollit”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.