Bayern Munich ka filluar shkëputjen e zakonshme në Bundesliga, duke u ngjitur nëntë pikë mbi Dortmund-in.
Vetëm dy javë më parë, në derbi luhej për kreun, kurse tani Dortmund-i duket se nuk ka fuqi të luftojë.
Sonte, Bayern ishte mysafire e Stuttgart-it, në një ndeshje që shkoi totalisht ashtu siç pritej – me dominim të Bayern-it.
Bavarazët dominuan gjatë gjithë takimit, dhe kjo u reflektua edhe në rezultat.
Por, në 45 minutëshin e parë, ata shënuan vetëm një herë.
Ishte minuta e 40-të kur Gnabry shfrytëzoi shumë mirë asistimin e Sane-s, dhe shënoi për 0-1.
I njëjti do të ishte protagonist edhe në pjesën e dytë.
Vetëm pas tetë minutave, Gnabry shënoi edhe golin e dytë personal, për rezultatin 0-2.
Serge Gnabry më vonë, nga minuta 69 deri 74 ishte direkt i përfshirë në tri gola.
Ai asistoi për Lewandowski-n dy herë, në minutën e 69-të dhe 72-të, kurse shënoi vet në të 74-ën, duke kompletuar hetrikun.
Pra, Serge ishte i përfshirë në të gjitha pesë golat e skuadrës së tij në këtë takim.
Bayern tani ka 40 pikë në vendin e parë, kurse Stuttgart me 17 pikë ndodhet vetëm një pikë mbi zonën e ftohtë në vendin e 15-të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës