Bashkëthemeluesja e BioNTech: COVID-19 do të jetë i menaxhueshëm

Bashkëthemeluesja dhe shefja mjekësore e BioNTech, Ozlem Türeci – firma gjermane që krijoi vaksinën anti-COVID së bashku me Pfizer – ka thënë se coronavirusi është i menaxhueshëm, por do të jetë në mesin e njerëzimit për vite me radhë.

“COVID-19 do të bëhet i menaxhueshëm. Ajo tashmë ka filluar të bëhet”, tha Türeci për CNBC, kanali amerikan i lajmeve të biznesit, më 30 shtator.

Sipas saj, “ne do të duhet të kthehemi në një normalitet të ri, sepse ky virus do të na shoqërojë akoma për disa vjet”.

Kur u pyet për shqetësimet mbi variantet e reja të coronavirus-it, ajo tha se BioNTech “vazhdimisht vlerëson ato variante të ardhshme, dhe do të ketë më shumë”.

“Për të gjitha këto variante që po qarkullojnë aktualisht, nxitësit e imuniteti kanë dhënë një pëgjigje në nivele të larta të cilët janë të përshtatshëm dhe mbrojnë”, tha ajo.

Por ajo nuk la pa përmendur faktin se pavarësisht kësaj, “ne duhet të vazhdojmë të shfaqim nxitës të rinj sepse mund të ketë variante të ardhshme për të cilat nuk është kështu”.

Sa i përket kësaj të fundit ajo tha se kanë një shtyllë të dytë të veprimit.

Türeci, 54 vjeç, vajza e një kirurgu turk në Gjermani, bashkë-themeloi BioNTech me bazë gjermane në vitin 2008 me burrin e saj, shefin ekzekutiv, Uğur Şahin.

Fokusi kryesor i kompanisë kishte qenë në “pionierët e imunoterapive të individualizuara” për mjekimin e kancerit dhe përdorimin e teknologjisë së tij mRNA (acid ribonukleik të dërguar), e cila stimulon përgjigjen imune të trupit.

“Pra, ne kishim, tashmë, shkencën dhe njohuritë në lidhje me mekanizmat imunitar dhe se si ato mund të përdoren kundër viruseve dhe mund ta shfrytëzojnë atë”, tha Tureci.

“Shtylla tjetër e përgjigjes sonë ishte teknologjia jonë, teknologjia mRNA, e cila lejon të përdoret si një format vaksine, që do të thotë se e lejon atë të komunikojë me sistemin imunitar dhe t’i mësojë atij se si të reagojë kundër këtij armiku të ri me saktësi të lartë”.

Ndërkohë ajo vijoi më tej se, ”kjo teknologji – sepse e kishim përdorur në sprovat klinike te pacientët me kancer – ishte tashmë e pjekur. Ne e dinim se si të kryenim prova klinike me të, si t’i trajtonim njerëzit me të dhe si të krijonim një proces prodhimi”.

Përvoja e kompanisë do të thoshte se ishte në gjendje të zhvillonte një vaksinë në më pak se një vit.

Më vete, një e katërta e të gjitha rasteve aktive në Turqi për momentin janë në grupmoshën midis pesë dhe 17 vjeç, sipas Ministrit të Shëndetësisë të vendit.

“Kjo nuk ishte e papritur pasi programi i vaksinave nuk mbulon shumicën e tyre”, tha Fahrettin Koca në një deklaratë pas një takimi me Bordin e Shkencës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.