Skuadra e Ballkanit e ka nisur me fitore epokën e re me në krye, Artim Pollozhanin, me këtë të fundit që mori detyrën pas largimit të Ilir Dajës, trajnerit që fitoi tituj të rëndësishëm dhe arriti dy here në grupet e UEFA Conference League me ekipin nga Suhareka.
Ballkani arriti një fitore të ngushtë 1-0 në shtëpi përballë Prishtinës, me golin e vetëm të takimit që u shënua në minutën e 79 nga Bernard Karrica.
Me 10 pikë pas katër javëve të para, Ballkani qëndron aktualisht në krye të Superligës, me pikë të barabarta me FC Suharekën, skuadrën rivale të qytetit. Me këta të fundit që gjithashtu triumfuan në takimin e sotëm 0-1 në transfertën e Ferizajt, falë golit të Liridon Fetahajt.
Prishtina qëndron në vendin e tretë me 7 pikë, e ndjekur nga Dukagjini me 6 pikë.
Të dielen do të luhen dy takimet e radhës së javës së katërt në Superligë: Llapi – Drita dhe Dukagjini – Malisheva.
Java e katërt e Superligës mbyllet të hënën me ndeshjen Gjilani – Ferronikeli.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Feudalizmi i Futbollit: 12 Klube që Flasin Me Zë, Por Pa Mend dhe pa menduar
-
Qeveria miraton indeksimin e pensioneve, përfitojnë rreth 800 mijë pensionistë
-
Lufta në Ukrainë me një milion viktima, Ivan Krastev: Sa njerëz mund të humbni para se të humbni të ardhmen?
-
Papunësia në bllokun e BE-së 6 për qind, në Kosovën e LVV-së 4 për qind: Një diferencë e vogël – një propagandë e madhe
